عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كتبت هالموضوع من حر مافي
قبل ابدا اعرض تجربتي مع تعاملي مع الزباين على عكس المعتاد
انا هون بكتب عن تعامل الزباين معانا
بموت من الحره التاجره في نظر البعض ملكهم متى مايبون يشترون يشترون
حسبالهم ميتين عليهم
تعاملنا بطيب جونا بالعكس
انا بشوف التاجرات يجيهم مثل مايجيني
او لا
اللي تجيك طيبه ومن قو طيبتها ودك تعطينها الغرض ببلاش
وربي ينحطون على الجرح ويبرى
وفيه ناس يدقون اخر الليل حتى لو انتي نايمه تداريهم وتقولين عادي
وبعضهم يجبرونك ترسلين رقم حسابك على انهم بيرسلون وتسجلين طلبها وتجيك بعد شهر وتحول
وتعالو شوفو اذا حولت ليل ونهار اتصالات الين مايوصل الغرض
التفلون يدق والخاص بالمنتديات فول استفسارات
وايميل
هالشي رجع يتعب نفسيتنا الله يقدرنا نرضيكم ونرضي انفسنا
ومع ذلك اضحك واجامل من حر مافيني
ورغم كل هذا احترمهم وارسل سواقي كل يوم بيومه
تبون بعض المواقف
المواقف اشكال
وحده دقت علي من جده
وتقول ارسلي علي اثنين من حق الارداف قلت من عيوني ابشري ارسلك حسابي
قالت اي حساب قلت حسابي بالبنك
قالت لا انتي غلطانه قلت كيف قالت ارسليلي وبالمجان ههههههههه
ضحكت قالت دوم قلت تستاهلين ولا حطينا اغراضنا بالمجان ابشري اول مادق عليك انتي
قالت ياترسلين يا اقول اني حولتلك ومارسلتي اغراضي ههههههههههه
وين عايشين حنا هذي لو ماسكه صوره لي وش بتسوي هذا اذا ماخلتني خدامه عندها
وفيه وحده قالت ارسلي اغراضي رغم انها اخذت رقم حسابي وطولت ماحولت واول ماحولت ارسلتها بارامكس
المغرب من اليوم الثاني
ودقت علي العشا وانا مع حريم رايحه ازور خالتي مسويه عمليه والنفسيه تعبانه وشوفو احترام لهم ماقفلت تليفوني اول باول ارد عليهم وشرشحتني وقالت لييييييييييييييه
ماقلتيلي قلت تراي مارسلتها الا قبل شوي واكلمها بياقلبي وياعمري
وهي صوتها طالع وكلن يسمعها وتقول
والله لكتب عن اسلوبك فالتعامل معانا
انا بقولكم اللي بتجيني باحترام بحطها فوق راسي واللي بتزعجني وطفشني وتقل ادبها ولا تسوي تهديدات ماهمتني لان الله فوق الجميع
انا ماعرف اقل ادبي لاني تربيت على كذا اقل شي ارسل فلوسها لها وغرضها اكنسله
الشحن بيكون السبت والثلاثا
وبنات الرياض ماعاد فيه شي تجين للبيت لان شارعنا صار مايفضي وجيرانا تضايقو بس مايبينون ومع ذلك ونحترمهم وننتظرهم حتى تخيلو يجون اخر الليل
واللي يبون يشوفونا كانا عرض ازيا
حتى رياجيلنا تضايقو من هالشي
وبالاخر امي تصاب بالعين والشيخ ينصحها حتى ماتروح لاقاربنا
هذا كله من اسباب اللي مايخافون الله
وكل هذا يجوني البعض ونافخه خشمها تراها مو مجبوره تجي تتعامل معاي
اكيد البعض جربو تعاملي معاهم والحمدلله دوم اضحكلهم حتى لو كنت مضغوطه
لكن انتم قدرو احنا بامكاني اقول مابي ابيعلك لاكن التاجره الشاطره تبحث عن المزيد وتوسيع في رزقتها لكن بعض الاشكال كانهم يقولون نبي نحلل فلوسنا فيها
ذا الكلام عن البعض لاكن البعض بوسه على راسهم فديتهم بين فتره وفتره يدقون ويسالون عنا وعن امي فديييييييييتهم
الله يطول بعمرهم
اما النوع اللي عارفين انفسهم اقولهم احنا شجره مثمره ماراح احد يهزنا
لكن ياليت احنا يالتاجرات نلاقي احترام منكم ذا اهم شي انتم تبون منا تعامل زين واحنا مثلكم
والتاجرات تراهم مثلكم ينشغلون يجي عندهم ظروف
احنا ماحاسبناكم لحظة حساباتنا وتاخذونها ثلاث شهور وفوق وتجون بعدها وتحاسبونا على يوم اذا تاخر طلبكم
هذي رساله انتقاد للبعض
وبوسة راس لكل وحده تقدر
وبالتوفيق للجميع
