عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يا فرشات
انتمنى ان الجميع بخير
انا بأخر اسبوع بالتاسع و خبركم مليت من الحمل وخلاص ابي اولد وخصوصا ان كل الحوامل الي معي
بالعائلة مشالله ولدوا وانا بقيت 😎 هههههه كأنه سباق يعني
المهم من يومين تحمست وقلت لازم اسوي محفزات عشان اولد و ما اعوشر مع العلم اني مو بكرية و ولدي جبته بالاسبوع ال 39 وكم يوم قلت خلني ابداها بالزنجبيل و قعت اشرب زنجبيل وجاني طلق خفيف انا قلت الحمدلله في تجاوب و بعدها بيوم شربت عصير أناناس فرش و حطيت معه زيت خروع قلت عشان المفعول يكون تمام طبعا جاني طلق مو طبيعي والم مره مره خطير قلت خلاص شكلي بولد وخصوصا انها نزلت علي افرازات ثقيلة و اشتغلت على نفسي و لما جاني الطلق قلت ما راح اروح المستشفى الا لما يحمي الطلق بس الغريبة انه طلق غير منتظم يجي كل 10 دقايق و يوقف ساعة ويرجع و المسافات متفاوته لما جا اليوم بدأ يخف انا استغربت قلت كيف وليش خف المفروض يزيد 😛
رحت المستشفى بشوف وش السالفة المهم حطوا علي تخطيط الطلق و كشفت علي من تحت
وقالت انه مفتوح 1 سم بس على هالالم والعذاب كله وسألتني انتي تأخذين شي يحمي الطلق قلت ايوه قالت انا مدري ليش تلعبون باعماركم وقالت ان اذا خذيتي محفزات وجيبين لنفسك طلق بس الرحم ما يفتح وبكذا ما تستفيدون الا العذاب والتعب و غير هذا كله ان العمليه لها مضار على الجنين نفسة 😀 قلت كيف قالت الجنين مع كل طلق تجيك ينقطع عنه الاكسجين و ما يجيه الاكسجين الا بين الطلقات اذا زودتي الطلق ياثر عليه و ما يوصله الاكسجين الكافي و اعملي حساب وقت الولاده وش كثر الطلوق الي بتجي و ماتدرين عن مدتها و بكذا الطفل يفقد اكسجين كثير وتدخلين في متاهات ثانية لا سمح الله و ابسط شي يكون نمو الطفل ضعيف بالمستقبل وفعلا اعرف حريم كثير عيالهم مره ضعاف وما فيهم حال والله اعلم ان السر هالمحفزات
انتظروا فرج الله وتوكلوا على الله
بس حبيت اسألكم طبيعي نزول دم بعد الكشف من تحت ؟ سؤال خارج الموضوع خخخخ
