والحل مع زوجــي ؟؟

مساء الخير
مدري من وين أبدأ المهم يابنات أنا بنت من عائله مرتاااااااحه ولله الحمد وعايشه ع الدلع مع أهلي ولما خطبني ولد عمي اللي أقل مني من هالناحيه عااااااادي وافقت وماكان عندي أي عقده بالأمور الماديه وعملت أحلى زواج بأحلى فندق وسافرت أجمل الجزر ولما رجعت من شهر العسل بديت ألاحظ سلوك غريب من زوجي وهذا السلوك يتعلق بالأمور الماديه في حياتنا ..
أنا كنت عارفه راتبه مايتجاوز 8 آلاف ويعتبر كويس لنا بس لاحظته مايخصص لي مصروف شهري أبدآ يعني أنا طالبه بالجامعه لما أحتاج فلوس للسواق آخذ من أهلي ولما أحتاج أشتري ملابس كمان أخذ من أهلي ولما يخرب كمبيوتري أمي تصلح لي وووووربي ملييييييت مو حاسه إني متزوجه يعني زوجي يتهرب من هالناحيه ودايمآ يتحجج بأنه ماعنده إمكانيه رغم إني يابنات مااااااحب أطلب منه فلوس وعندي عزة نفس بس أحيان أضطر لما أبغى أصور كتب للجامعه لكن دايمآ يتهرب ويبغى أعتمد على أهلي في كل شي رغم إني موووو طالبه المستحيل منه !!!
تخيلوا يابنات وضعه مره كويس ووووربي أحيان يمر بأزمه ماليه بسييييطه أقوم أبيع من ذهبي عشان ماأخليه يحتااااااج للناااااس وهو مخليني محتاجه أمي في كل شي والله عيب ماصار لي وجه قدامها !!!
ووووربي كل ذهبي خلاااااص بح ماعندي ولاشي وربي شاهد على كلامي وكلو بعته بخساااااااره بس عشان حضرته مايجلس مكشر وطفشان ويقول أنا أمر بأزمه ماليه !!
ماني عارفه هل هذا بخل ؟؟؟ أو مايحبني ومايحب يكون مسؤول عني 😆
رغم إني على قدر من العلم والجمال والإهتمام فيه ؟؟
ألاحظه يخصص مصروف شهري ثاااابت لأمه طيب وأنا مالي حق ؟؟؟
أمه دايمآ لما بتكلمه بتقول زوجتك لاتنسيك أمك !! هل تتوقعوا لها دخل بها الموضوع ؟؟
والله يابنات مالي بعد الله غيركم أنا بنت طيبه وعلى نياتي ماني عارفه أفسر اللي صاير وماني عارفه كيف دخلت بهذه العائله 👿