عالم البنات النسائي كل ما يخص المرأة العربية من ازياء وجمال والحياة الزوجية والمطبخ
واخيرا وكما وعدتكم كتبتلكم قصة ولادتي بعد ماصار عمر ولدي شهرين ماشاء الله اكيد حتقولي لي بدري تكتبيها هههههههههههه لكن انشغالي بعد الولاده بالبيبي الجديد وبعدها الاختبارات ولكن سامحوني على التأخير ولكني اصريت اكتبها وبالتفصيل الممل عشان البنات الي على وشك الولاده وخايفين يطمنوا ومايخافوا من الولاده بسم الله نبدأ
في يوم الاحد رحت كالعاده عندي مراجعه وكان هو اليوم الي حدده الدكتور للولاده عملوا فحص لقوا الرحم مفتوح 2 سم قال الدكتور تعالي الربوع نحطلك طلق صناعي قلتله لا ماابغا قال اجل براحتك ننتظر كمان اسبوع لكن قال انا متوقع تولدي في هذه اليومين طبعا انا كان عندي مغص خفيف من الاسبوع الي قبله بعد الكشف زاد المغص شويه ونزل شوية دم لكن الدكتور قلي ممكن ينزل عليكي دم قليل بعد الفحص فلا تخافي المهم مر الاحد بسلام والاثنين والمغص مستمر يوم الثلاثاء صحيت الظهر قالتلي ماما بطنك اليوم نزلت على العصر شافتني قالت شكلك مايطمن وانا طبعا المغص زاد عن الايام الماضيه طنشت الموضوع قلت اكيد زي الايام الي فاتت المهم على الساعه 8 زاد المغص وصار يمسك في ظهري فحسيت انه طلق طبعا لاني بكريه مااعرف ايش هو الطلق على الساعه عشره زاد المهم شربت كف مريم وقرفه كوب واحد ومارضيت اشرب التاني وماما تقلي لاتقعدي قومي امشي عشان ماتحسي بالالم وانا اقلها ماابغا بدأت احسب بين كل طلقه وطلقه كان مافي وقت طويل استحميت واتجهزت والالم يزيد لا واحاول امسك نفسي وتنزل دموعي :074:وجا زوجي ورحنا على المستشفى وزوجي مسكين يشوفني اتألم على باله خلاص حأولد طبعا خايف اولد في السيارة هههههههههه ويمشي بسرعه جنونيه وامي تهدي فيه تقول امشي على مهلك وشويه كانت حتصرخ فيه لو ماهدى السرعه وصلنا المستشفى الساعه 1 ليلا ودخلنا الطوارئ وتخيلوا برد الطلق هههههههههه شكلوا مع الخوف المهم طلعوني غرفة الفحص وهناك نزلت عليا العلامة شوية دم وكأننا في صحراء مو في مستشفى امي تنادي ممرضه مافي تقولها فين الدكتورة تقول طيب وتروح ماترجع وانا حسيت بعطش فضيع وامي تعبت لما لقت موية اشربها من جد صحراء وانا سبحان الله حسيت باسترخاء يعني لدرجة اغفو بين كل طلقه وطلقه وامي تقول كيف حتولدي وانتي نايمة المهم بعد انتظار طويل جات دكتورة وفحصت قالت مفتوح 7 سم الحمدلله واسمع وحده تصرخ وتبكي واحاول اتجاهل الصوت المهم ودوني غرفة الولاده وكان يومها على حظي عندهم ضغط تخيلوا 6 ولادات ومافي غير دكتورتين و4 ممرضات ومع الضغط حطوني في غرفة من غير كمامة لكن طلبتها فاعطوني بدالها ابرة تخدر وزاد النوم عندي واحس زي الحلم لما يجو يقيسوا واسمعهم 8 سم وبعدين 9سم لا وتخيلوا غرفة الولاده كل مين جا دخلي دخل اخويه وبابا وزوجي وطبعا ماما الله لايحرمني منها كانت معايا تقرأ لى المويه وتشربني وتروح تصلي وتدعي والحمدلله ماصرخت كان لما تجيني الطلقة الممرضة تقول سوي كده شهيق وزفير وامي تقولي قولي يارب واقول يارب وانام واصحى على الالم والممرضة تشجعني بالانجليزي تقول :0149:(فيري سترونج ليدي) واخيرا الحمد لله جات الدكتورة فحصت قالت 10 سم لاكن تخيلوا تبغا تستنى البيبي هو الي يفقع الكيس قالتلها ماما خلاص انتي فكيه المهم فكته وجا الدفع وادفع بكل قوتي وماما تقولي يلا يابنتي حيجي البيبي الي انتظرتيه سنين هيا ساعديه يخرج وانا لما تجيني الطلقه ادفع والحمدلله كلها 3 دفعات وفي الاخيرة خرج البيبي:076: وحطوا عليا وانا جاتني زي الصدمه كأني في حلم تخيلوا ايش سويت امسك يده الصغيره واقول ياحبيبي والله انها من اجمل اللحظات الله لايحرم احد منها والله تنسي كل التعب لماتشوفي البيبي والحمدلله رزقني بولد بعد سنين انتظار وسميته عبدالعزيزاتولد فجر الاربعاء وكانت ولاده سهله وميسره الحمد لله نسيت اقلكم بعد ماولدت والدكتورة قاعده تخيط تخيلوا امي قاعده تساعدها تعطيها الابر لانه مافي ممرضات لا وبعد الخياطه يقوموني يحطوني في عربيه وتوديني ممرضه الحمام تقول اتروشي :068:اقلها كيف المويه بارده وانا تعبانه وبأنزف لاكن ان شاء الله ماعاد اولد في هذه المستشفى لاني مالي حظ فيها مو زي مااتوقعت وللاسف انها من اكبر المستشفيات في جده.
