واخيرا رحلتي الى ماليزيا مدعمة بالصور

حبيباتي انا منزله رحلتي الجزء الاول لماليزيا بس ونزلت صور لها بس من كثر طلبااااااااااااااتكم اني اعيد تحميل الصور وانا مثل ماوعدتكم راح اصور لكم كل شي بالتفصيل
بسم الله الرحمن الرحيم ……………………. وبه نستعين
السلام عليكم ورحمة الله وبركاته اقدم لكم رحلتي المتواضعه الى بلد الاحلام الجزيرة الاسيوية الحقيقية مـــــاليزيا
فكرة التخطيط : اولا انا كنت من زماااااان وانا ابي اسافر بلد تتوفر فيه كل فرص السياحة من طبيعة الى منتزهات الى فعاليات الى تسوق المهم فكرت انا وزوجي وعيالي وين السنة بنروح اخر شي قلت لزوجي لاتحتار ولا تفكر كثير عطني فرصة لما عيالي يخلصون من الاختبارات واقولك وين ابي اسافر طبعا وفقا للميزانيه اللي موفرينها للسفر المهم دخلت المنتدى تفاجات من كثرة هالعالم اللي يمدحون ماليزيا دخلت شفت صور لها اعجبتني جدا جدا ومن هنا بدا التخطيط للرحلة خبرت زوجي اني ابي اشوف هالجزيرة 😆 idea:
زوجي طبعا كان سامع عنها قال اوكي خليني اروح مكتب سفريات احجز من عندهم نرتب الوضع طبعا كنت انا على نار ابي اروووحها والله انو حتى النوم صار قليل في البداية لما كلمنا المكتب قال لنا اذا تبون تسافرون لازم تحجزون قبل بشهر لان زحمة على تذاكر الطيران قلنا اوكي خبرت اهلي بالفكره المبدئية قالت امي انتي حامل مايصير تتعبي حالك قلت لها ياايمة هي فترة قصيرة اسبوعين وانشالله بنتبه على حالي ومايصير الا الخير
المهم احنا متعودين في اي سفرة نسافر على طيران الخيلج بس هالمرره اسعارهم نار طلعت تذكره الطيران للشخص الواحد 3500 لان موسم لما شاف زوجي هالسعر المبالغ فيه قالي شكلنا مابناخذ العيال قلتله انا مابي هالخطوط شوف لنا ارخص خطوط طيران ترانزيت اهم شي عيالي اخذهم معي لانهم ماشالله مش صغار يفهمون اصغرهم في ثاني ابتدائي المهم راح زوجي تفاهم مع المكتب تم الاتفاق على السفر وهو بتاريخ15 _7_2007
يوم الاحد على طيران السيرلانكي طبعا ترانزيت توقف في قطر ساعه وبعدها توقف في سيرلانكا ساعه ويتم فيها تغيير الطائرات ايه طلعنا من هنا الساعه 2 الظهر وانا جهزت كل اعدادات السفر وحطيت كل الاغراض اللي نحتاجها بس كلنا عددنا خمسة انفار في شنطتين فقط المهم وعيالي طبعا هم عارفين انو بيسافرون بس ماقلتلهم وين ليش؟ حتى اعمل لهم مفاجاة طبعا وصلنا مطار البحرين الساعه 4 العصرعلى طول رحنا ونزلنا لاغراض وتونا بندخل غرفة المغادرون الا…… زوجي قالي وين تذاكر الطيران الداخلي الى في ماليزيا طبعا كل التذاكر وكوبونات الفنادق عندي امسكهابالشنطة دورت في الشنطة حستها حووووس ماشفت التذاكر الداخليه اتصل زوجي بالمكتب وكلم المسؤول وقال لهم ترا ماعطيتونا التذاكر الداخليه والمكتب حلف وقسم بالله انو عطى زوجي التذاكر قال زوجي انتي متاكدة انو كل الظروف حطيتيها قلت له ايه ظلينا محتاسين قلت له شرايك تروح السيارة وتشيك عليها ماتدري يمكن نسيناها قالي مافي وقت قلت له الا في وقت رووح شيك لان السيارة موقفها بعيد عن المطار المهم راح واخذ نص ساعه ورجع وانا والله طول الوقت اقرا المعوذات وايه الكرسي وحتى ولدي الصغير جالس يقرا ايانا المهم رجع وفي يده ظروف فيها التذاكر سالته كيف قالي المكتب عطوني ظروف لونهم ابيض وهذا شفته مختلف حسبته مش حق السفر المهم شكرنا الله وحمدناه واتصلنا على المكتب واعتذرنالهم رحنا صالة المغادرون وركبنا ذيك الطيارة اللي كنت انا بصراحة متخوفة شوي منها واتفاجا واشوف الربع كلهم فيهاااا يعني اغلبها سعوديين ارتحت جلسنا والله انهم ممتازين في الخدمة وماينقصهم شي وماحسيت بالفرق ابد بينها وبين طيران الخليج الا في اسعار التذاكر فقط اولا قلعت الطائرة من مطار بحرين الدولي الى قطر استغرقت الرحلة نص ساعه وصلنا بالسلامة طبعا مانزلنا بس لانهم بيحملون ركاب بعدها بساعه قلعت الطائرة الى مطار سيرلانكا ومدة الرحلة 3 ساعات وصلنا بالسلامة نزلنا ريحنا مشت الساعه كانها برق لما ارتحنا صلينا بعدها ركبنا الطائرة مره ثانيه الى كوالا لمبور ومدة الرحلة خمس ساعات طبعا نمت ممكن ساعه بس فيها لان عيالي كل حين مانادوني وصلنا هذاك المطار اللي في حياتي ماشفت مثله كبيررر جداااا جدااا جداااا وحلوو بصراحة فرق بين مطارات كل دول الخليج ومطارهم بجد رووعه حتى من كبره حاطين قطار يوصل القادمون الى الجهة اللي ياخذون فيها الامتعه وطبعا مع انه كبير لكن تعالو شوفو الزحمه كيف واغلبهم خليجين المهم اخذنا الشنط على طول متشوقين نبي نشوفها ركبنا تاكسي طبعا المطار عندهم شر كة للتكاسي طلعنا من المطار الى فندق دورزت رجينسي بكوالالمبور بيجيكم الحكي عنه هذي صورة التقطتها من الطريق تفاجانا