واخيرا افتكيت من مشاكل شعري مع كيراتين مروه

راح اختصر المقدمات واكتب لكم تجربتي مع كيراتين مروه…خاصة اني كنت ادور وابحث بخصوص هالموضوع..وفعلا تعبت مالقيت نتيجه مرضيه ناس تسب وناس تمدح ..فقررت اكتب تجربتي معاه عشا ن ستتفيدون
اول شي راح اقول لكم طبيعة شعري ومشكلته…
اول مشكله من مشاكل شعري سويت من سنتين اكستنسو لوريال..في مشغل مهاوي
والنتيجه مو بس ساقط شعري الا حلقه..يعني امسك منابت الشعر كلهااا دبابيس…وطاح نص شعري بدون مبالغه حسبي الله عليهم..
وبما ان شعري طوله بطيء صار طولين ..بعضه الين حد الاذن الين تحت الكتف وحووووسه…

وطبيعة الشعره نفسها خفيف وكيرلي وينتفش بسررعه ..وغير كذا جاف وباهت..ومافيه حياه ابد من كثر ما اسوي له سشوار وليس بالسيراميك

ومالكم بالطويله..قررت اسوي كيراتين وسويت سيرش في كل المنتديات..واشف ناس تمدح وناس تذم..

صادف اني قاعده اسوي سيرش وواختي بجنبي..قالت لي : وش تدورين..قلت ابي اسوي كيراتين وووو

الموهم..قالت لي عندها رقم وحده مدحوها كثيييير بالمنتديات اسمها مروه …اتصلي عليها وشوفي

وفعلا اتصلت عليها وقالت لي ان عندها نوعين كيراتين ..انوار وبلو اوت

شرحت لها شعري قالت لي بشوفه احسن عشان اقرر..
المهم..جتني على الموعد وشافت شعري..قالت لي اسوي لك انوار افضل لشعرك..قلت لها اوكي مع العلم اني ما ابي شعري يكون مفروود وواقف ومافيه حياه,,قلت بس ابيه يكون رطب وطبيعي..وماياخذ وقت بعد الحمام

المهم سوت لي الكيراتين…وشفت النتيجه المبدئيه..بعد ماغسلته لي..طلع خورااااافي…قالت غسليه بكره

طبعا اشتغلت شغل بضمير ..على انها حامل وتعبانه..بس والله ماقصرت…شغل نظيف فعلا
وغير ك>ا نفسيه زي العسل… الله يسعدها ويسهل حملها…ويرزقها بنوته حلوه زيها

المهم لي الان حول الشهر وشعري احسن مايكون
ناعم ..ملمسه رطب ماتقولين مسويه فرد وهذا اهم شي..الغره كانت حاله خاااصه انوووواع الدمار الحين ناعمه وتهفهف
يعني بجد اقسم بالله ماكذبت في كل حرف قلته فعلا…جربت اليوكو..جربت كيراتين دا غدا..جربت الخلطه السودا..جربت فرد الاطفال..ولا نتيجه اعطتني نص اللي اعطاني اياه كيراتين مروه

خواتي وبناات عمي شافو النتيجه وتحمسووو يسووونه…لانه قد ما اوصف لكم الراحه اللي ارتحتها بعده..الله يوفقها ويسعدها ..وان شاء الله ماعاد استغني عنه ابد

ملاحظه..اللي بتجي تقول لي بتسوين دعايه ..توفر على نفسها..لاني اقسم بالله ماك>بت ولا في حرف ولا لي مصلحه اسوي دعايه ..

صحيح نسيت اقول لكم انوار هو الكيراتين الوحيد المرخص من هيئة الغذاء والدواء بالسعوديه لان نسبهالفورمالين هى 0.2% وه>ي النسبه المصرح بها عالميا ..وممكن تصبغين بعده باسبوعين
وممكن تعيدينه مره ثانيه..لانه يعتبر معالج للشعر