واخيرارجعتلكم بعد مارجعت الكهربا

السلام عليكم ورحمة الله وبركاته كيفكم اخواتي ورجعتلكم بعد انقطاع امممممممم 5 ايام تقريبا من يوم جانا المطر والفياضانات :D……….اكيدانتو حتقولولي الموضوع مو مكانه هنا بس انا كنت ادخل هادا القسم مرررره كتير فعشان كدا انا كتبت فيه وابغاكم تدعون للموتى بالرحمه ولاهاليهم بالصبر ……والله يابنات اليوم ولعت علينا الكهربا 😡 كان داك اليوم جدا فظيع صواعق عمري ماسمعت زيها المطرمن 9الصباح المن 5العصر غزيرجدا وابدا ماوقف طبعا الكل كان مفكر يعيد والكل مجهز للعيد بس ربي ماراد انحبسنا في البيوت وادمرت سياراتنا صارت فتافيت وراحو كتير ناس من معارفنا وكل يوم نسمع انو فلان غرق وبعضهم لسه في السيارات مقطعين ولد اختي يقول بعد ماشاف السيل نازل عليه خرج من السياره وهرب بعيد يقول شوي كدا وهو وسط السيل شفت شي حياتي كلها ماانساه قاعد يمشي وشاف حاجه يحسبها خشبه ولمن مسكها انفجع طلعت….يد حرمه منقشه بالحنه,,,,,,, والله يابنات اليوم زوجي خرج بس يبغى السوق رجع يقول ماقدرت الكل حاط كمامات الجثث في كل مكان وطلعت ريحتها وبعضهم مو قادرين يوصلون لها لسه السيل كانه بحر ماجف ,,,,,,,,,,,,,, والمشكله العظمى السعوديين مايساعدون كل واحد خايف على نفسه الاجانب ساعدونا عيال وطنا بس بيصورون ؟؟؟مادري ليش؟؟؟هههههههههههه وفوق هادا كله كنت بسوي احتفال بالعيد لزوجي ومجهزه اشياء كتيره وافكار اخدتها من الفراشه بس ربي ماراد,,,,,,,,,,