عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم حبوبات
كيف الكرووشااات
بدخل بالقصه دايركت لان يالله اكتب
يوم الجمعه دق جوالي وكانت المستشفى النيرس طالبه حضوري لان الاسره ممكن تروح باي لحظه كان فيه ولادات واجد ماشاء الله
المهم رحت الساعه 10 ونص ومن قبلها انا مانمت ابد بس افتر بغرفتي كني حاسه بيتصلوون
رحت لزوجي ع طول وقلتله ابروح اخذ شاوور لين تجهز انت قال اوك
وبالفعل رحت وخذوا تحاليل وعطوني لبس المستشفى ياكرهي له وكانت جنبي وحده تعرفت عليها مثلي لها موعد ولاده قيصري وحنا بالليل طبعا تخطيط قلب الجنين شغال يقولون فينا طلق وحنا مافي اي الم جلست اسولف عن البنج وانتوا وش اخترتوا المهم كلنا عارفين انه نصفي هههههههههههههه بس نضحك ع روحنا من الخوف المهم جارتي قالت بصلي صلاة الاستخاره ع موضوع البنج وانا اناظرها وربي وربي انها بس سلمت من صلاتها الا وتجي الممرضه وتقولها عمليه مدام انا وجهي طاح قلت لا؟ اجل ربي ميسر لك النصفي تكفيكي سرعه الاجابه ياقلبي
ودعتها وراحت كنا الفجر ماشاء الله كلها ساعه ونص ودخلت علي ومن بعدها الام الله لايوريكم انا جا دور ولادتي وانا متجمده فسريري من الرعب من جارتي والامهاا تقول صح حلو وقت الولاده بس موت بعدها والعن من الكامل اقل شي الكامل ياخذك ويردك
المهم نزلت ولين غرفه العمليات وانا اصيح جا دكتور التخدير سلم وقال ليه خشمك طماطه قلت ماابي بنج نصفي قال طيب مافي مشكل>>الدكتورهندي قسم لو انه مصري لايجبرني اخذ نصفي ادري
المهم حط لي ابره مخدره بس التخدير كان غريب شوي مانمت ع طول حسيت ان راسي ثقيل شوي وبس حط الكمامه قال معي؟ اسمعه الله لااله الا هو الحي القيوم …..
وصحيت وانا فطريقي لغرفتي وزوجي معي . . وساعدهم فشدي عالسرير سئلته البنت زينه قال ايه وراح يشوفهاا..وطلعت بعد كم يوم والحمد لله.. دخلت عشان ابشركم وانا وربي اتالم العمليه تجميليه بدون اي غرز يارب لك الحمد صح تعبت شوي بس الحمد لله اني طلعت انا وبنتي بالسلامه
هاااااااااااااكن جووووودووو
ربي يقوم جميع الحوامل بالسلامه
لي عوده
