واحترقت ….وتعلمت

السلام عليكم ورحمة الله وبركاته
سلام من الله يغشاكم وعين المولى ترعاكم
جاية اليوم مو عشان اتكلم وافضفض بس …
لا جاية أقولكم شي خطير …
شي استغربتو رغم انه مفروض …
البداية …كان اشتباه بوجود ماس كهربائي بمدرستنا
كنا قبلها في الفسحة نضحك ونلعب والي يذاكر والي ياكل وحت كنا عاملين بارتي لوحدة من البنات وقاعدين مبسوطين نغنيلها
وبدأت الحصة الرابعة …ومتى راح نخلص المنهج يا ابلة .؟؟طيب والمشروع …ايوا اليوم راح نخلص ..طيب بكرا نوريك اياه
وكلااااااااااااام …
الا وسط دا كله …..دق جرس …
الابلة : ياااااه حصتكم خلصت ولا حصة المتوسط ؟؟؟
وحدة من البنات : لا يا ابلة دا !!!!!!!!!جرس انذاااااااار
ايوا جرس انذار نزلنا على بالنا تدريب ….وبعد لحظات طوييييييييييلة
كان من جد واخلاء …طيب انا !!!!بدون عباية !!وانا كمان …
حالتنا كانت سيئة …جلست ادعي ربنا أنه يسترني ..انا يارب سترت نفسي في الرخاء فاسترني في الشدة …بكيت مو خوف لا بكيت عشان عبايتي وبقدرة قادر تجيني العباية عن طريق وحدة جزاها الله كل خير
واخلينا المدرسة ….فين رحنا .؟؟؟؟؟؟زي الاجئين للمدرسة الباكستانية العالمية …كنا لاجئين وربي …
وهما أكرمونا …رغم قسوتنا ..رغم كبريائنا رغم انفة وغرور على ولا شي …
هما بكل شي كانو احسن مننا بالمعاملة …بالضيافة …بالاحترام …
لو نحن مكانهم كان طنشنا الموضوع وما اهتمينا …أكرمونا وضيفونا من جد شكرا لكل باكستاني …. شكرا لكل صاحب خلق فاضل …أيوا انا اقسمت اني احكي الكل عن هدولا الناس كبرو كتيــــر بعيني ….وعمري ماراح انسى هذا اليوم الي اتعلمت فيه ان الدين الصح نحن نسيناه …وفهمنا الدين بأحكام بدون تطبيق …اتمنى يجي اليوم الي ينسى السعودي انه سعودي والمصري انه مصري والهندي انه هندي ونفتكر بس أننا

مسلميـــــــــــــــــــــــــــــــــــــــــــــ ــن
تجمعنا لا اله الا الله محمدا رسول الله