وأخيرا بكتب لكم قصة ولادتي

اولا سامحوني عالتأخير بس والله كنت وااايد تعبانة من السهر ومازلت ومااحصل وقت بالمرة بس قلت لاوزم احط لكم قصة ولادتي 😆 idea:
المهم في تاريخ 29/5/2008 كان يوم الخميس كنت احس بتعب وساكتة وماتكلمت ولا في نفس اليوم كان الوالد مسوي عزيمة وكل الأهل متجمعين وان مب متحملة الألم بس قلت يالله نحاول نمشيها وكنت اضحك واسولف ولا كأن فيني شي 😆 🙄 المهم اتصلت في ريلي وقلت له اليوم لازم ترقد في بيت اهلي لأني كنت اخر شهرين في بيت اهلي من التعب المهم الفجر تقريبا عالساعة 4 حسيت بآلام فضيعة وقلت خلاص الولادة قربت:( قلت يالله بصبر شوي واآلام تسير وترد ورحت الحمام وانتوا بكرامة وشفت افرازات حمراء وقلت يالله يا أم خلوفي اصبري شويواطلع من الحمام والألم يزيد واشوف ابوي جدامي راجع من صلاة الفجر واقول له سير قول حق امي اني خلاص بولد ومسكين ابوي يسير ويقوم امي وبسرعة يسير حق ريلي ويقول له قوم ام خلوفي تعبانة وبسرعة البس عباتي وايلس في السيارة وفي نص الدرب اتذطرت اني مايبت بطاقتي الصحية يالله كيف نسيتها المهم وصلت المستشفى الساعة 6 ودخلت على الطوارئ ويطلبون مني رقم البطاقة واتصل البيت وآخذ الرقم من عند اخوي وكشفت الدكتورة وقالت لي الرحم مفتوح 3 سم فقط يالله صدمة كل هالآلام 3 بس الله يصبرني يارب المهم يت الدكتورة وتعبي البيانات اوراق وايد المهم خذوني على قسم الولادة واسمع حرمة تصرخ 😈 اول مرة اسمع مع اني ثاني ولادة واحلى صدفة ان نفس الممرضة اللي كانت معاي في ولادتي الأولى اشوفها جدامي وكانت وااايد طيبة معاي المهم لازم شزية اسألة وقالت لي تبغين الحقنة وانا لالالالا ماحبها قالت متأكدة قلت لها اكيييييييد وتبدل شفت الممرضة ويتني وحدة هندية وكانت واااايد طيبة وحطت لي التخطيط وقالت لي بعد التخطيط لازم تمشين عشان تولدين بسرعة المهم كنت امشي شوي واتيني آلام فضيعة وكان معاي في الغرفة 2 بس شكلهم مافيهم طلق امشي شوي وآخذ نفس وارتاح شوي آخر شي ماقدرت واقول للممرضة انا تعبانة ماتحمل الآلام ويت الدكتورة وانا اصيح من التعب ❗ 😀 واقول لها بموت من الألم وقلت لها ابغي اروح الحمام وتقول متاكدة اقول لها ايوا وبعد ماطلعت قلت لها يالله اكشفي وانا اصرخ آلالالالالام فضيعة وتقول 4 😛 😈 😆 🙂 واقول لها كل هالآلام و4 بس وانا خلاص اقول حق الدكتورة ابغي ايود شي عطيني ايدج واضغط عليها وتقول لاتكسرينها كيف بشتغل عقب 😆 🙄 المهم راحت الدكتورة ويتني الممرضة وقالت لي بنعطيج ابرة مسكنة ونحط لج اكسجين وعطتني ابرة ويابت الأكسجين وقالت كل ماتحسين بألم حطي الأكسجين وانا احس اني اتخدر ومااقدر اتكلم وشوي ينفتح كيس الماي واحس بالجنين وهو يدفع وانا اناديها وتقول لالالالالالا هذا كيس الماي واقول لها البيبي يدفع ويت كشفت وبسرعة على غرفة الولادة يالله اوقات صعبة والممرضة تقول يالله شدي وانا اشد واشد وطلعت الراس تذبح واشد واشد واخيرا شرفت بنوتي في 30/5/2008 في تمام الساعة 9 و6 دقايق وعطونب بنتي انا كنت متخدرة من ابرة المسكن ماقدر افتح عيوني بس والله احلى لحظة لما تشوفون عيالكم وعقبها يتني الدكتورة وعملت لي خياطة ورحت على القسم واخذت لي غرفة خاصة يعني لازم ندفع لأني انا ولدت في مستشفى حكومي بس كانوا وااايد مهتمين فيني وريحوني وعقب الولادة اللي ذبحني الإلتهابات كان عندي قبل الولادة وبعد الولادة مت منها تخيلوا آلام الخياطة والتهابات بس الحمد لله تعالجت منها
والحين مازلنا نعاني من السهر 😳
يالله عقبال البقية يارب والله يرزق كل محروم 👿 وسامحوني على الإطالة 😐