هي وينها عني؟؟؟!!

هي وينها عني وهي تعرف خطورة بعدها
في غرفتي وبغربتي أصرخ وانادي بالسؤال
إسمع صدى صوتي يردد وينها ويمدها
ودي الإجابة ..ماتجيني غير..ياعمري تعال
كل المنا اقطف زهرها وارتوي من شهدها
وتشرب عيوني من حلاها .شربةٍ شروا الزلال
وتلمس كفوفي كفها وسرح ففوحة وردها
ونطير بجناح الهوى ونلف هالعالم رحال
تلقاني والله مبتسم من ابتسامة سعدها
وضحكة تجيني منها اضحك معاها وبخبال
أعشق شتاها وصيفها وأعشق برقها ورعدها
وبستانها وصحراءها ..وهضابها وحتى التلال
وتعشق همومي بحرها وتعشق دموعي خدها
وأعشق دلعها المتزن واعشق تحديها الرجال
واعشق براءة مزحها واعشق صلابة جِدها
تاخذ من الواقع حكي وتاخذ من الحكي الخيال
ان قالت اني (أكرهك)..أعرف قصدها ضدها
قالت لي مرة ضدها تقسيط كل حرفٍ لحال
ماريتها تقدر على بعدي وتخلف وعدها
أبداً ولا تقبل تبادل من تحب إلا الوصال
حرة واصيلة واكسبت هذا الطبع من جدها
مقيولةٍ لو فاق شوقك ماتلاقيله ضلال
إلا الحبيبة..توصلك وتمد قلبك ودها
إما كذا وإلا يعش الشوق عانفاس الليال
ليلة وانا مقدر عليها وكيف بقوى بعدها
ان صارت اهي كل حياتي فالبعد ماله مجال
تمضى الدقيقة دونها ..ساعة وعيني اتعدها
جتني وساويس الفكر وافكاري بثوب احتمال
هي وينها؟؟! والله ترى الأشواق وصلت حدها
هي وينها برجع واكرر عد حبات الرمال
هي وينها ؟!!قصة عجز حبري يكمل سردها
خايف اذا كملتها أبكي وذا مني محال
هي وينها عني ؟؟!!وهي تعرف خطورة بعدها
في غرفتي وبغربتي أصرخ وانادي بالسؤال
برفع يديني للسما يارب ليّه ردها
سلمتك الله أمرها ..وعليك ربي الاتكال