هي : تحبني ! و أنا : أجآملهــــااا :(

السلآإم عليكم

بنآت اول شي حآبه أقولكم إن اليوزر متسلفته من وحده يعني مو تبعي 🙁

المهم يابنات انا فيه وحده معجبه فيني من سنتين ،

بدآية العلآقه كنت بثآني متوسط وهي نفس الشئ

أعجبت فيني وحبتني بشكل فضضييع وكل المدرسه تعرف إنها تحبني ودايماً الآقي على طاولتي كلام غزل وحب وتكتب آسمها آخر شي ،

وتجي يومياً تسلم وهي مستحيه وانا أسلم واجاملها ولا تكلمني حتى شخبآرك ماتقولها لي من الحيآآ

شوي شوي صارت تتطور العلآقه ويوم من الأيام جاتني صديقتها وقالت فلآنه تبغى تمشي معآك !!!

وانا عادي عندي لان فيه بنات قبلها معجبين فيني وطلبوا يمشون معي < لاتحسبونه غرور لا والله !

ومشيت معها وكآنت مستحيه مرره ، انا مليت من الوضع وقلت لها يلآ بروح أشوفك وقت ثاني ان شاء الله .. جات قالت لا لاتروحين بليز اجلسي معاي .. انا طبعاً انحرجت وقلت طيب 🙂

طبعا الكلام هذا بالطلعه .. وينادي علي وقلت لهآ يلا نادى علي قالت انا اوصلك عند الباب قلت اوكي ومسكت شنطتي وانا جلست البس عبآتي بعدين اخذت منها الشنطه وجت ضمتني بقوووه .. وطولت كمان 😆 🙂 ، انا أنحرجت لان البنات يناظروني وصديقاتي يضحكون 😆 idea:

وصرآحه أستغربت منها لاني أعرفها دايماً تستحي ويالله يالله تجي تسلم مدري كيف تجرأت وضمتني بهالشكل ،!

ومرت الأيام صآرت تقريباً كل أسبوع تمشي معاي وكذا

لين صرنا بثآلث متوسط

وصآرت يومياً تجي تسلم وتمسكني عند خصري ووتسحبني من صديقاتي تقولي أمشي معاي ..

وانا سواء رفضت ولا مارفضت .. لاني اذا رفضت تجلس تترجاني وارحمها !

ومع الأيام تعلقت فيني وصارت تغار بشكل غير طبيعي لدرجه تبكي اذا مسكت وحده بخصرها او بيدها

هذا غير المكالمات اليوميه والمسجآت 😆 hy:

وجلسنا كذآ طول السنه ، لين جآت العطله ..

وكثررررررت مسجاتها واتصالاتها .. تدق باليوم 5 مرآت أقل شي 💡

وانا أحياناً أطنش واذا دقت من بكرا تجلس تبكي ليش مارديت عليها امس 🙁

وكل يوم تزيد أتصالاتها وتعلقها ..

واذا كلمتها كل كلامها رومنسي والله حسيت اني متزوجه !!!

يعني مثلا تقول [ حبيبتي إنتي , أحببك الله لايحرمني منك , فديت الضحكه , أمووآآح 🙁 , أعشقك , إنتي أكسجيني , إنتي حيآتي ………….. الخ ] 😆

ولا تقول عطيني بوسه ؟ قولي أحبك ؟ !!

وانا دايماً اهاوشها وتضحك تقول لبى الي يستحون 😆 🙄

والله مدري شسوي معها صرت أنحررج من اهلي لادقت ولا اذا ارسلت

وربي رسايلها الي يشوفها يقول عني متزوجه 😆 🙂

وأكثر من مره أطنشها وترجع تدق وتبكي وتتشكى لي من أهلها وظروفها وأرحمها وارجع لها

ومره كلمتها بأسلوب صريح ولا أقتنعت وقالت لو تتركيني بنتحر ..

ماهتميت وتركتها ولا كلمتها ولا شي ، بعد يومين أتصلت اختها قالت أختي بالمستشفى شربت صابون مدري ايش !

ع العموم ماصدقتها الا لما طلعت واتصلت على جوال امي لان جوالي مستحيل أرد عليها ،

وقالت لي السالفه وحسيتها صآدقه .. ورجعت لهآ ثاني مره ورجعت لحركاتها معآي 😀