هيلب مي بليييييز

السلااام عليكم ورحمة الله وبركاتة ..حبيباتي كيفكم
بالبداية عندي كم نقطة بوضحها ليكم: 1اللي تدخل وتشوف الموضوع ياريت تفيدني
2 اللي ماتعرف ياريت تدعيلي وترفع الموضوع
3 ابدا موضوعي
انا قدمت على جميع الجامعات تقريبا بالمنطقة الغربية وكان نفسي بجامعة عزوز طبعااا
انقبلت بكل الجامعات الا عزوز جاني قبولي انتساب 😡 طبعا انا مافقدت الامل جلست ادعي ربي كل يووم انو انقبل انتظام بيها وفعلاا بعد كم يوم انقبلت انتظام يابنات وربي كونت مبسووطة نسبتي الموزونة 78 ونص بعد كدا فرحتي ماكملت تخيلو المووعد فااااتني 😆 🙂 ليومكم دا ماني مصدقة انوو القبول جاني ولا قدرت ارووح وربي اكتبلكم وانا ابكي ومقهوورة على نفسي مرااا انا ماابغى الا دي الجامعة
وابغى مع صحباتي بس قدر الله وماشاء فعل .. المهم انو وحدة من صحباتي قلتلي قدمي انتساب ترم وبعدين ازا جبتي معدل حتحولي انتظام حابة اخد رأيكم ونصيحتكم يابنات افيدوووني ايش اعمل انا قدمت الانتساب والورق رسلتو ووصل للجامعة بس لسا ماخلص تقديمي للانتساب ايش الحل برأيكم هل ممكن يكون في فرصة انقبل انتظااااام 🙂 💡 او استنى قبولي عالانتساب واتوكل على ربي
بعدين انا مو عارفة كيف انظمة الانتساب وازا جبت معدل صحيح اقدر احول ولا ايش ..ناس يقولو انو الانتساب صعب وازا فية وحدة معايا قدمت انتساب ياريت تفهمني وتوضحلي والله يابنات قهررر انو مقبولة بكل الجامعات ونهايتي انتساب وغير كدا مقبوولة انتظام بعزوز وراح اكون انتسااااب لاحد يقولي ليش ماروحتي لانو بنفس اليوم ماقدرت اروح ولا اخرج اي مكان حاولت ارسل الورق بس قالو مايجي لازم تجيبية بنفسك احس نفسي ضاااايعة مراااا ..ازا فية تقديم بعزوز الترم التاني انتظام قولولي لاني مقدمة عالانتساب المرحلة التانية مو عارفة ايش يعني انتسابي ترم تاني ولا كيف بنااااات الله يسعدكم ياارب سااعدوني انصحووووني محتاجة احد ينصحني ➡ 😛 😉