هيا تحبني وانا احبها ..

بسمـ الله الرحمن الرحيــمـ

صباحكمـ عسل ورود وياسمين

يمكن الموضوع قديمـ وياكثر مانحكيهـ

ونتداول نقاشهـ في المنتديات او غيرهـ

لكن انا انصح واذكر لعل وعسى كلامي

يجيب فايدهـ مع الاخوات

” ذكر فان الذكرى تنفع المؤمنين “

اتمنى ان يستيقض العقل ويصحو من غفوتهـ ..

حبيت انصح الاخوات عن العلاقات والحب المحرمـ

بين البنت والولد قبل الزواجـ ..

اختي الغاليه..

اتمنى انك تستمعي لي جيدا وتفتحي قلبك الى كلامـ يخرج من القلب الى قلبك

راح ابدا بالموضوع بدون لفاتـ بدايهـ التعارف بين الشاب والفتاهـ

حيكون نظرات موجهه من الطرفين 😛

وبعدها ايش حيكون من الطبيعي انكمـ تاخذوا ارقام بعضـ

ومن الطبيعي جدا انكـ تكلميهـ … وهنا البدايهـ ..

حبيبتي ..

بالله كيف ضميركـ يطاوعكـ

اكلم شخص مااعرفه ولا اعرف شي عنه

وبعدفترهـ نبدأ بكلام الغزل ونبدأ نسولف عن مشاعرنا

وعن احساسنا واتكلم بكل ثقه قدام شخص انا لسه ماني عارفه

هو صادق والا كاذب معي..

كيف اترك ثقه اهلي ولا ابالي فيها بعد ماهم عطوني كل احتياجاتي

حتى لو البعض يقول انا محتاجه عطف واهلي ماعطوني

هذا مو عذر عشان تسوي شي غلط ويمكن تندمي عليه طول العمر

انا بصراحه استحقر هالبنت اللي تكـلم وتعذرني طبعا

وبعدين ايش يضمنك ان هالولد يحبك صدق ايش يضمنك انه صادق

ايش يضمنك انه بجد ناوي يتزوجك..

كل هذا انتي لسه راح تكتشفيه وماتدري ينفعلك والا لاء

الشغله كلها يعني نقعد ندور على حبيب نحبه ويحبنا

ليش نسوي هالشي واحنا عارفين انه غلط..

وخصوصا البنت يعني هذي سمعتها

كيف راح تواجهي اهلك ابوك اخوك لو عرفوا انك تكلمي شخص

ماتعرفينه وتخبرينه عن مشاعرك وكل اسرارك

كيف راح يكون وجهك قدامهم..

اكيد وقتها مالك عين حتى تطالعي في عيونهم

اكيد ماتقدري تسولفي معهم مثل اول

اكيد هما راح تتغير معاملتهم معك

وتصير معامله سيئه بالطبع

اكيد راح تكرهين عمرك وقتها

ليش هذا كله عشان واحد برضو مومتأكده انه يحبك

//

في هاليومين مااعتقد في شي بهالدنيا يخليه يثبت لك انه يحبك

حتى لوقالك اني احبك وجاي يخطبك ترا البعض كذاب

انا اعرف بنت جاء خطبها وجاب اهله وكله كان بس كلام

الولد طلع لعاب ..

يعني البنت لازم تنتبه لكل اللي حولها تمام

وخصوصا اللي يستغل انوثتها ويقولها كلام معسول

يعني صح البنت محتاجه لكلام معسول

بس مو عشان قسوه الاهل او شي من هالقبيل

لان البنت بطبعها لديها عاطفه قويه والعاطفه هذي يمكن تتغلب

على جزي كبير من عقلها وهي اقوى من عاطفه الولد عامه..

وللاسف كثير من بناتنا تعرف ان هالشي كله كذب او بمعنى اصح

غلط في غلط لكن زي ماقلت البعض يكون ضياع وقت وتسليه

و تخريب بيوت..

للاسف البعض مايدرك عظم هالشي اللي يسوويه

بس لازم نفكر بعقولنا لبعض الوقت..

فكلما عظمت أحد الاشياء بعين البنت

جاء الشيطان و بسطها لها حتى تهون عليها وبعدين تبدا بمسلسل التنازلات….

واحدة بعد الثانيه حتى يروح الخوف من الذنب و يبدأ الحياء يتلاشي منها

إلى أن يقع الفأس بالرأس ,وعندها ما ينفع الندم

و هذا هو الواقع الذي اعرفه تماما ويعرفه الجميع

//

بعض من الشباب يقول انوا حبها او حس انه حبها فعلا

لكن بجد كيف حبها ومن هيا عشان يحبها

فاعتقد برضو ان حبه فاشــل..

وقد يكون ناااااااااادر جدا الحب

عن طريق التعارف سوا نت او تلفون

انا لاانكر في ناس تحب بصدق

وتعيش حياه جميله وسعيده وهذا نادر جدا..

وطبعا كل واحد ياخذ رزقهـ بس الحذر الحذر …

والبعض يكون عسل وحلو قبل الزواج

بعد الزواج تنعدم الثقه بينهم

يعني انا اعرف قصه واحد

تزوج وحده عن طريق النت وبعد ماحملت وولدت

جابت بنت اتخيلوا ايش قالها

قالها انه بيأخذ بنته وامه تربيها عشان

تحسن تربيتها ولاتصير زيها وممكن تتهور مثلها

يعني بالله انا حملت وولدت عشان غيري يربي بنتي

يعني حتى زوجها اللي هو زوجها اللي يحبها

مايبغي بنته زوجته تربيها..

يعني شفتوا كيف صعبه..

واتمنى نفكر بالمستقبل كثيــــــر..

يعني مولازم نجرب الشي الصعب

او نجرب شي من بدايته معروف بالفشـل..

//

ليش انهي حياتي واخليها زي الجحيم عشان واحد مايستاهلني

ليش مانكون ناس صالحين نحاول نعيش مع واقعنا اكثر

يعني انتظر فارس احلامي معززهـ مكرمهـ في بيتي

وبكل فخر اكون بنت شريفه وسمعتي زينه

وماافتح قلبي الا لرجل يستحقني بالفعل

رجل مايمل من حبي ولايؤذيني بالعكس راح يحافظ عليا

وكمان كيف راح تواجهي زوج المستقبل بماضيك

وكيف راح تعيشي مع واحد تاني غير اللي كنتي تزعمي انك تحبيه زمان

كيف راح تكون حياتك..واصلا مااعتقد انه كان حب صادق..

فلازم تحطي عقلك في راسك وتفكري بالمستقبل

ولاتجري ورا قلبك دون ان تحكمي عقلك..

اعطي قلبك وروعتك وأنوثتك للي يستحق .. للي يجي لبابكـ ..

لللي ما يخجل يقول انا أبغاكِ وقدامـ كل الناس ..

انا أحب هذه البنـتـ .. اعشقها ..

حاولي تكوني رقيقة وعذبة من الداخل ولكن كالصخر من الخارج

والله كل أحلامك وقلبك يستاهل كثير من التفكير

من الان توبي الى الله وانهي علاقتك

اتمنى لك التوبه الصادقه والعزيمه القويه والله معاكي …

//

انا ماانكر ان الحب شي جميـل

و الإسلام ماحرم الحب بحد ذاته كمشاعر وعواطف

بل منع العلاقة التي تحدث بين الرجال والنساء قبل الزواج …

واصلا احلى شي بالدنيا الحب

الحب عالم من المودة والصلة والأنس

والرضا والراحة ..

الحب صفة النقــــــــاء بحد ذاته..

الحب موجود بكل معانيه ليس لشخصين وانما للعالم..

والحب صفة سامية وموجودة منذ الازل….

لكنـ من يفهمـ الحب ويعرف مضمونهـ سيتذوقهـ بكل مافيهـ ..

//

اللهم إني خلصت لهمـ النصيحة ما استطعت فتقبل مني إنك انت السميع العليم

وربي يوفقكمـ بالزوج اللي يستاهلكمـ …

اللهم اهدى شباب المسلمين لما تحب وترضى …

اللهم أهدى بنات المسلمين واحفهن من كيد المعتدين …..

بقلمـ اختكمـ oOoOda