عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم حبيباتي انا عاوزه اقولكم مشكلتي مش عارفه هي مشكله ولا بس الموضوع ده بيتكرر معايا كتير جدا اوي لدرجه اني بقيت اكره نفسي واتخنق اوي
نفسي اكون طبيعيه الموضوع ده متعلق بيا وبصحباتي
شوفوا انا حكون صريحه يعني كتير اوي بحلم بشخص معين في احلامي وبيتقدملي وبكون سعيده جدا وبصحى من النوم وانا حطير من الفرح حلو لحد كدا
لكن الحلم ده بيتحقق مع صحباتي مش معايا انا يعني الاقي الشخص الي شوفته في منامي بيجي لصحبتي كنت في الول بقول سبحان الله لكن الموضوع اتكرر كتير والله احلم ان اتكتب كتابي على واحد وظروفه وكده مافيش يوم ولا يومين والاقي نفس المواصفات بس مع واحده من صحباتي
انا تعبت اوي والله انا فرحانه اوي ليهم وبدعي على طول ربنا يصرف عنهم عيون الخلق كلهم ويصرف عني وعنهم الاذى بس الموضوع غريب وزايد عن حده
صحبتي الانتيم روحي وعمري على طول كنت بقولها على ده وكانت بتقولي ماتفكريش خالص بس ههي حسيت باردوا ان فيه حاجه غريبه لاني بحلم كتير اني اسافر دبي واتجوز واحد اسمه احمد
لسه والله من يومين اتقدم لها واحد اسمه احمد ومتدين وحيسافر دبي وماشاء الله ماشاء الله ماشاء الله كتب كتابها الاسبوع الجاي والله انا فرحااااااااااااااااانه جدا وحطير من الفرح ليها لاني بحبها جدا
بس حاسه ان في حاجه غريبه بتحصلي انا نفسيتي تعباااااااااااااااااااانه اوي والله حتى هي قالتلي بطلي احلامك شويه
😆 🙄 بس اعمل ايه انا بدعي ربنا كتير وادعولي يابنات وطمنوني وواسوني ولو بكلمه لانيب اتعقدت اوي من نفسي
