عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مدخل :
للطفله اللي في ضلوعي مواويل ..
وبعض أغنيات الحزن و الحب والشوق
مارافقت غير المساء والقناديل ..!
وما صاحبت غير الفراشات والذوق ..
لاهبت أنفاس القمر و أقبل الليل ..!
,’
لا ماطلبت الحزن ياخذ بيدي
هو مد لي يمناه و أخجل أرده
يوم المشاعر وقفت صف ضدي
[ هو ] الوحيد الي حضني بيده
الي نصحني .. قال : [ أزمه تعدي ] ..!!
الدرب ضيق و أزمتي ما تقده ..!!
يا درب حظي .. للفرح ما تودي ..؟!
ولا الفرح يا حظ .. تقدر ترده ..؟!
محتاجة أكتب للعمر بيت وردي
غرقانه بليل الحبر ليّ مده ..!!
محتاجة أنفث للشبابيك بردي
و أخذ نفس تنبت به الروح ورده ..!!
محتاجة أصرخ بالسماء كاااان ودي
و يمطر علي من السماء ما أوده ..!!
محتاجه أحفر بالصخر كااااان عندي
حلمٍ كبير و ضيق الحال حده ..!!
وأخاف أصد وينطق الصخر ردي ..!!
” همّ البشر ما للصخر معه شده ” ..!!
محتاجه و محتاجه وما بيدي ..!!
غير الحزن .. أضم يدي بيده ..!!
,’
مخرج :
غنت على شط الحزن لحن مخنوق ..!
