عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بالامس القريب سمعت من زميلة اختي الجامعيه بانها تشكو من اختها المتزوجه انها تقيم علاقة محرمه مع شخص من قبل زواجها الى الآن مع ان زوجها يحبها كثير ومدلعها دلع ماتحلم فيه وحده
جد بنات تألمت كثير وانفجعت
وقبلها خواتي بالمتوسط والثانوي يحكون عن زمايلهم وانهم مدمنات شاات مختلطه ويكلمون شباب بالمسن او بالتلفون وشايفينه عاادي خليك فري ع قولتهم
واليوم وانا اشاهد برنامجي المفضل للاحلام اتصلت بنت تقص رؤياها للشيخ عن حبيبها وبكل جرأه وبسااطه وانها تبي تتركه بس مو قادره لااخفيكم صدمت وبكيت نعم بكيت
بكيت لحيااة الكثيراات ودعيت لهم بالهداايه
جلست اتأمل وش اللي يخلي البنت تنجرف ورااء حبها وتعلقها بشاب
فرأيت من وجهة نظري ان السبب
بالاول ضعف الوازع الديني وابتعادها عن الدين
دين السماحه والخير والراااااااحه
وضعف من حولها وابتعادهم عن العقيده سواء اب او ام او غيرهم فلاتجد قدوه تقتدي بها
ثانيا الفراغ لااقصد بالفراغ الوقتي لا ابدا بل الفرااغ الروحي والعااطفي
ثالثا صديقات السوء فالصااحب سااحب
هذي برأيي المتواضع اهم الاسباب
وانا هنا لاابحث عن السبب بل المشكله منتشره اريد الحل وهن ايضا يردن الحل
حبيباتي
يامن تكلمين شاب او تحادثينه بالشاتات او المسن ابي منك تنتبهي لكلامي وتصغي اليه
بطلب منك طلب واحد قولي له وش نهاية علاقتنا؟؟
طيب تعال اخطبني؟؟؟؟
شوفي وش يقولك
بيجي ولابيتعلل بعلل واهيه؟؟؟
وانتي بتصدقيه!!!
طيب انتي دااخلك مقتنعه باللي تسوينه؟؟
طيب مانتي خاايفه من غضب ربك او عقاابه؟؟؟
طيب مانتي خااايفه يدرون اهلك؟؟؟
واذا دروا تدرين وش ممكن يصير؟؟
ماتدرين انك ممكن تتسببي بالموت والمرض لاحد والديك وللعار والفضيحه للعايله ككل وقبلها بتحتقري نفسك كثيرررررر؟؟؟
طيب خلينا من هذا كله
طيب اذا تزوجتي وجالك بنت وكبرت البنت وجات تقولك ياماما انا اكلم واحب واحد
وش يتقولين؟؟؟؟؟؟؟
طيب زوجك مافكرتي ان ربي ممكن يعاقبك بزوج خااائن؟؟؟
ويحرق قلبك زي ماحرقتي قلب غيرك؟؟؟
وين بتروحين من عذاب الضمير والخوف والقلق والرعب اللي بتعيشينه وووين؟؟؟
شوفتي التوقيع هذا توقيع لاحد الشباب اعتراف منه انهم تفكيرهم بشي معين فقط لايخفاك ويلفون ويدورون لين يوصلونه وبعدين يرموكي رمي الكلاب
ترضينها لنفسك؟؟؟؟
حبيبتي كوني قويه وصادقه مع نفسك
واتخذي القرار
الحل هو
اقطعي اي علاقه محرمه فورااااا
لاتقولي صعب بالعكس اذا استعنتي بالله وعقدتي العزم بيسااعدك ربي ويسهل امورك
لاتقولي احن واشتااق له
هذا الشيطاان يزينه بنظرك واحنا اقوى منه
غيري شريحة جوالك
لاتدخلي شات
غيري ايميلك
اقطعي اي صله به تماما
ستعانين بالايام الاولى اي نعم
ولكن بترتااحين في النهااايه
هذا الامر ماايبي له تسويف وانتظار وتروي وتفكير
كوني حاازمه
كوني شجاااعه
وانتصري على نفسك
لتحترمي نفسك اولا وترفعي رأسك بين الناس ثانياا
وقبل كل شي ترضي ربك وترتااحي من هم جثم على صدرك
هياا اختي استعيني بالله والله معك وربي بيعوضك ويبدلك خير بالحلال بااذنه تعالى
فمن ترك شيئا لله عوض الله خيرا منه
والله يااخواتي ماكتبت الموضوع الا من حرقة قلبي وخوف على بنات المسلمين وانا ارى كل يوم ضيااع وتشتت اسر ووصمة العار على جبينهم
بنات بعمر الزهور يستغلون باسم العااطفه
اسال الله لي ولكم الهدايه
اللهم احمي بناتنا وبنات المسلمين من الرذيله والحرام
اللهم اشرح صدورهم ويسر امورهم وزدهم قربا منك يااكريم
اللهم صن بناتنا واعففهم بحلالك عن حرامك
اللهم امين
همسه
مو شرط احد يرد علياا اهم شي يقرونه اكبر عدد من البنات لعل الله ينفع بكلماتي البسيطه
وللمشرفات ودوه القسم اللي تشوفوه منااسب
دمتم براحة بال
