همتكم يا بنات

مرحبا
كيفكم

بما انه باقي على الشهر الفضيل نصه 😎
و بتبدا العشر الاواخر
خلونا كل وحدة تكتب برنامجها فرمضان ايش سوت
و كيف بتسوي بالعشر الاواخر

طبعا غير الطبخ اللي اخذ وقتنا لكن نحتسب الاجر ان شاء الله

انا ببدأ
ناويه اختم القران باذن الله (هذي اول سنه اتاخر بالختم بس ان شاء الله الحق)
التراويح بالبيت (الركعات اللي اقدر عليها)
الادعيه اللي ارددها (حسبي الله لا اله الا هو عليه توكلت وهو رب العرش العظيم
رب اني لما انزلت الي من خير فقير
يا حي ياقيوم برحمتك استغيث
لا اله الا انت سبحانك اني كنت من الظالمين
استغفر الله الذي لا اله الا هو الحي القيوم و اتوب اليه)
طبعا اذا اذن المغرب افطر رطب و ماء و اقوم اصلي و يكون وقت استجابه
عند الفطر وبين الاذان والاقامه
ما انسى ادعي لاخواتي بالستر و الزواج

المسلسلات ما اشوفها كثير لان البدايه فيها موسيقى غير اللي بالمسلسل ذنوب يابنات
احنا ندعي من هنا و نتابع من هنا مايصير
خلوكم صادقين مع ربكم

(اللي بالرياض لاحظتوا 3 ايام غبار كل ماشفه اقول بنفسي اكيد ربي مو راضي على البعض منا مسلسلات و الاكل اللي يرمى بالزباااااله)

هي اشياء حبيت اذكركم فيها بالشهر الفضيل لاني احبكم بالله
استغلوا رمضان شهر الخيرات
(اوسطه مغفرة فاستغفروا)

اللهم اعنا على ذكرك و شكرك و حسن عبادتك

و شكرااااا