عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله
اختلفت معها من شوي وعصبت ورفعت صوتي بكل الي اقدر عليه ولسه والله احس جسمي مكهرب ودمي يغلي مثل الجمر
برمضان زوجي تركني قسم بالله بدون سبب وربي شاهد كنت ارضيه بلي ربي يقدرني عليه بس تركني وانا الحين في بيت امي
بيت امي والله العظيم ماينعاش فيه تخيلوا الاحواش بدون بيبان يقدر اي احد يدخله والبساس رايحه جايه
بيت امي ملياااااااااااااااااااان عفش مال امه داعي ومغبر ومحد داري عنه
وملابس كثيره وكلها عفنت ويطلع منها العناكب
وهذا كله امي ماتدري عنه لكن مانعه احد يرميه
بس بيوم حااولت اقنعها افضي البيت شوي لان مع جيتي صار البيت مزحوم ومحتاجه غرفه لي ولولدي الي يحتاج رضاعه
ماردت وقلت اقتنعت وفعلا في غرفه فضيت الثمن بس عبيت شويه ملابس ماهي طيبه للبس بالعربي شفت البسه بعيني وهي تقضي حاجتها وسطهم
حطيت هالملابس بكيس عشان يرميهم اخوي تخيلوا ثلاث ساعات بس عشان انظم الملابس القديمه ذي الي تصلح اخليها اغسلها والي ماتصلح نرميه
اليوم شفت امي تفضي نفس هالكيس ورجعت كل الي فرزته محل ماكان وهي تقول لي ابغاهم
طيب البسه سوت فيهم براز ياناس هاتوا من يقنعها
بس شفتها راكبه راسها وكل الترتيب الي حاولت فيه بالغرفه راح ورجعت الحوسه بالغرفه والزحمه وتلاشت احلامي البسيطه بغرفه لي ولولدي
ماحسيت بنفسي وانا انفجر بالصراخ في وجهها مشتاقه للنظافه ابي اعيش بنظافه والله ماطلبت كثير وامي مو حاسه فيني زعلانه لاني عصبت
حطوا نفسكم مكاني
من تتحمل هالقرف بيت تمشي البساس فيه وتبرز وتقضي حاجتها بالملابس والاغراض وفوق كدا ممنوع تنظفي او تغيري شي
ساعات اضعف واقول ابي ادق ع زوجي واترجاه يرجعني عند اهله بس صعبه والله
يابنات الكل والله العظيم يسمعون ويشوفون عذابي بس يتفرجون اهم شي انهم بخير طيب ليش هالقسوة ليش محد يحط في باله ممكن الدنيا تدور فيه كذا ليش والله اني نشفت دموعي من البكا لابيت ولازوج ولا ام ولا وظيفه تسدني عن الحاجه ولاشي والله تعبت ولدي مسكين هو الي رايح فيها معرض للاامراض من هالجو الوسخ الي عايش فيه ايش اسوي لاتتفرجون علي ٱنـِْ♡̨̐ـِْـا متضايقه ساعدوني اعترف اني عاقه بس امي ماخلت لي عقل لا هي ولازوجي ولا الدنيا كلها
