هل هذا طبيعي ولا مجرد مخاوف

السلام عليكم
اول شي انا عندي مشكلة ، بس مني حابة اطرحها قبل ما اعطيكم فكرة عن الموضوع
عشان توضح الصورة لكم من مجاميعه
انا ساكنة قررررررررررريب مرررررة من اهل بيت اهل زوجي بحيث لو اني خرجت من البيت او شريت شي او نقلنا عفش او اي حاجة ممكن يشوفوها من الشبابيك
وانا والله ماني مهتمة ابدا لهذا الشي خصوصا اهل زوجي ناس طيبين وعلى نياتهم ماعدا وحدة وهي اخت زوجي الكبيرة
هي عندها بنتين صغار مو مهتمة فيهم ، ودايما وسخين وفي خشومهم مخاطين وملابسهم وسخة وصحتهم كمان تعبانة مرة ، نحاااااااااف مرة ، باين ما تأكلهم زين رغم انه زوجها مبسوط ومو مقصر ماشاءالله من الناحية المادية بس زوجي يقولي اني هي اصلا وسخة ومهملة حتى بيتها مو نظيف ، المهم انا لاحظت انها تتكلم في سلفتي من وراها لأن سلفتي ماشاءالله عندها بنت وحدة ومررررة مهتمة فيها والبنت صحتها بسم الله ماشاءالله فوق الممتازة ، واخت زوجي تتكلم فيها من وراها تقول انه اهتمام سلفتي ببنتها واصلة درجة المرض وانه سلفتي مريضة نفسيا وتخاف على بنتها من كل شي ، انا في البداية صدقت لأنه احتكاكي بسلفتي جدا قليل ونادر ، بس لما شفت بنتها اخر مرة والله اني خفت عليها من عيون الناس وجلست اسمي واقول ماشاءالله الله يحفظها ولا يضرها ، لأنه بالفعل بنتها مرة صحتها حلوة وحتى نفسيتها بسم الله عليها من كل شر مرة نفسيتها حلوة ، لكن نفسية بنات اخت زوجي مرة تعبانة لأنه بس يبكوا ويصيحوا وهي تضربهم كثير ، لأنها جبارة على بناتها وللأسف بدون اهتمام فيهم ، والله لما اشوف بناتها اني احزن عليهم مرة
المهم انا من هنا بدأت احس انه اخت زوجي فيها غيرة وحسد ، ولما تشوف احد احسن منها في شي تعيب عليه وتتكلم في قفاه
عاد نجي هنا لمشكلتي :
وهي انه جاتني فترة بس اخرج من بيتي واروح الاسواق اتقضى واشتغل بالبيت كثير ، وطبعا هذا الشي عرفوه من الشبابيك ، اما سالفة شغلي بكثرة في بيتي لأنه خالتي (ام زوجي) يوميا تكلمني وتعرف كل اخباري وانا على نيتي اتكلم والله ، وهي كمان خالتي والله مسكينة وعلى نيتها واكيد تقول لبناتها عن اخباري اول بأول ، عاد اختي زوحي الكبيرة صارت كلما تشوفني توبخني وتقولي لا تشتغلي في البيت انت حامل بعدين البيبي يطيح ولا يجيك نزول في المشيمة ولا يصير فيك شي لا سمح الله، وانا من بعدها يا ناااااااااااااس مسكني الم شدييييييد في وركي اسفل ظهري والله اني شفت الموت ، وبس ابكي ابكي ابكي من الالم ، ما اقدر اتحرك ابدا وهذا الالم مسكني من دخلت السادس تقريبا الى الان ، الوجع يروح ويجي ، ولاحظت انه الالم يجي لما اخرج من بيتي وامشي،، ويروح لما اجلس في بيتي
عاد انا هنا فكرت ، هل ياترا الم وركي هذا هو عين اخت زوجي ولا هو طبيعي يجي للوحدة لما تمشي في الشهور السادس وما بعدها؟؟؟؟؟؟ لأنه بالفعل الان لا يمكن امشي مسافات الا ويرجع الم وركي من جديد ((حتى لو سوق او ممشى او حديقة))

ارجوكم جاوبوني 💡