عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم ياجمل فراشات ان شاء الله تكونون بخير وعافيه
بقولكم مشكلتي اللي غريبه وانا مستغربه منها ليش انا كذا وهي علاقتــي بأمي
بقولكم ظروف حياتي من الاول عشان تشوفون اللي انا فيه طبيعي والا انا ماعندي احساس والا وش
القصه والله احيانا اخف اغضب الله بسبب هالاحساس بس والله غصب عني موب بيـدي
انا ابوي مطلق امي وانا عندي يمكن 11 سنه وجاب لنا مرت ابوي اجنبيه مصريه نفس امي
انا امي مصريه نفس الشي بس فرق السماء عن الارض امي يضربون فيها الطيبه بشهادة اقاربنا دايم لاشافونا يقولون فرق عن امكم بس مرت ابوي هذي ورتنا النجوم في عز القايله
كل شي بحياتنا تدخل فيه حتى لدرجه يابنات ابوي من النوع اللي مايحب نطلب من المطاعم والبقالات وهي ماشاء الله تقولون اذانها رآآدار من تسمعنا نطلب بالتلفون
وتروح تقوم ابوي من نومه تقول شف بناتك اللي مايستحون يطلبون من البقالات من الرجال ويطلع لنا ويحوسنا ويطرد الطلب اللي جاي لنا
المهم خرجت عن الموضوع الاصلي اللي هو أنا وعلاقتي بأمي هي اول مطلقها ابوي رجعت لاهلها في مصر
وحاولت كم مره تكلمنا بالتلفون تطمن علينا بس كانت مرت ابوي اللي ترد عليها وتقفل السماعه في وجها المهم انقطعنا عن امي قرابت السبع اسنين لين كبرنا وصار عمري تقريبا 18 سنه وطلعت جوال
اخواتي الكبار اللي من ابوي كانو يكلمونها ولهم اتصال فيها واول ماطلعت الجوال عطوها الرقم وكلمتني
بنات ماحس تجاها باي مشاعر يعني لما اكلمها ماكأني اكلم امي ابد اكلمها كني اكلم انسانه غريبه عني بالعكس الا كل ماكلمها اتضايق مدري ليش
واذا اخواتي سالوني عنها قالو كلمتي امك اتهرب من الجواب مابي اكلمها مدري ليش انا اول كنت الومها انها راحت وتركتنا وحنا صغار بس كبرت وفهمت
بس مشاعري ماتغيرت بنات الحين بين فتره وفتره اكلمها وبالغصب اكلمها اخاف الله فيها اني قاطعه فيها
مابي اصير عاقه وانتم تعرفوووون فضل الام واجرها عند الله بس والله غصب عني دايم بيني وبين نفسي اقووول ليش انا ماكلمها دايم واسولف لها عادي زي اي بنت تكلم امها
آآخر شي قبل شووووي مكلمتها واول ماقفلت منها حسيت اني متضايقه اني كلمتها بس مابي اغضب الله للعلم الحين عمري 29 سنه ومتزوجه
بس مشاعري ماتغيرت استغرب من هاللي انا فيه واخوي اللي اصغر مني بسنتين يموووت فيها ودايم يكلمها ويرتاح لكلمها ودي اصير مثله بس استغرب من هالبرود اللي فيني
مع العلم اني اعششششششق ابوووي لدرجه اني افتخر فيه في كل مكان مع انه كان شديد معي بالمراهق بسبب زوجته بس يمكن اني عشت معه كل مرحله من حياتي كانت عند ابوي
بنات امااااااااااااانه ساعدوني وشلون احب امي زي الناس ودي بس المحبه مهب بيد الواحد
أعرف طولت عليكم ويمكن اكثر كلامي مخربط
بس من هم فيني الكل اشتكي له بس مايعطوني سبب اللي انا فيه بقولون انتي غريبه
