هل تؤيدينها ام لا…………مكالمة الخطيب لخطيبته قبل الملكه

السلام عليكم
الموضوع شيييييييق وانا اول المؤيدين وبقولكم السبب
السالفه ياطويلات العمر….
اختي الصغيره انخطبت ولله الحمد شاب جامعي خلوق ومن عائله متحفظه
مررره انبسطنا من هالعائله واستقبلهم الوالد الله يحفظه ورحب فيهم وتقدموا الرجال رسمي اهل المعرس ودفعوا الكسوه اللي هي يسمونها المساكه المهم
يوم الشوفه شافها واعجب فيها واعجبت فيه وتم كل شي بيسر وسهوله 😛
المعرس طويل العمر طلب من الوالد الله يحفظه انه يكلم اختي قبل الملكه تمهيدا
والوالد الله يحفظه من المؤيدين للمكالمات الهاتفيه ماقبل الملكه
نجي للزبده كلموا بعض وكل الطرفين كانو مستحيين ماستغرقت المكالمه الا 5 دقايق وقفلوا
شوي وشوي الا ماستمرت المكالمات بالساعات
طبعا لايروح فكركم بعيد كلها عن الحياه الزوجيه وشؤونها
بدت اسئلت اختي تكثر هل وهل وهل وهل حومة كبودنا بكثر الاسئله طلع اخونا في الله يعطيها دروس من اولهاوهو ياويلك تلبسين لبس ماله داعي
ياويلك تتاخرين وانتي اليوم طلعتي وتاخرتي ليش ويطيح تهزئي فيها
لو لبستي النقاب بدخل اصبعيني بعيونك
لو انعزمتي بعزيمه او عرس حدك الساعه 12 ولاتقولين ابي ارجع مع امي انا ماعندي هالكلام
احمدي ربك بتاخذين واحد راتبه 7000 غيرك يتمناها …….يمن براتبه ابن الحلال
انا خايف من الزواج وخايف من الديون طيب كم الدين اللي بتدينه قال 30000 وشايل همها
فلان وعلان عندهم بيوت وانا يعالم بحالي
ترى دخلتك اول يوم ➡
انا خايف تنصدميين من شخصية امي 😉
اخوانك واخوانك اللي فيهم واللي مافيهم طبعا يسب اخواني ولا هو مستحي
يتكلم عن عيلتنا واننا شايفين انفسنااااا واننا رازين خشومنا
حطي في بالك ترى كل اشبوع بنروح للديرتنا وانتي معاي رجلي برجلك 😡
لحد هناا واختي ملت من كلامه ولا حست فيه مرجله ولا نخوة الرجال في ليلة العيد قررت تفسخ الخطبه
تقول كرررررهته
بدل مايلطف الجو ويمهدلها للعرس وشوية حنيه
الرجال طلع عديم شخصيه مرجوج مافيه حيااا لسانه متبري منه ناويلها على شر
كانه مكبوت ويطلع الكبت في اختي
وبس وسلامتكم
هذي فايدة المكالمه ماقبل الملكه احسن وانصحكم فيهاا
احسن من انكم تعرفون بعض بعد المكله وتصير مشاكل وتنتهي بالطلاق
اللحين ابغى كل وحده تقولي هل تؤيدين المكالمات ماقبل الملكه ام لا؟
والله يوفق الجميع يااارب