عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
فراشات ياقماري كيفكم ؟
ان شاء الله بخير ومبسوطين يارب 
الموضوع إنو أنا طالبة جامعية < 😎 .. كان عندي اختبار الربوع ايلي راح
ولمن خلصت من الاختبار اتصلت على الدكتور ايلي يدرسني دي المادة
عشان اسآلو كم على الميدتيرم كم عليه درجة لانو ماقلنا 😛
وفي كم سؤال حسيتهم صعبة شويا اتصلت اول مرة ومارد عليا شويا الا اتصل
وأنا اصلا حاطة نغمت الصدى تبعي اغنية ماجد المهندس والله وآآحشني موت 
المهم استغربت انو يتصل 😀 مارديت لمن رجعت البيت اتصلت رد عليا
سألتو وقلي كم عليه .. والا سألني ليش انتي ماحليتي ولا مازاكرتي ووو الخ
ورديت عليه شويا الا قلي دحين عندنا الويك اند خليكي ريلاكس ولاتشدي اعصابك
ولاتتعبي نفسك ولاتقلقي وان شاء الله درجتك حلوووة قولت طيب
<< في قلبي اقول من اشتكى لك 😆 idea:
المهم وبدا يكمل يسألني عندك اختبارات ولا لاءا خصلتي ؟؟ واهم شيء تنبسطي في الويك اند واديني اسمك عشان اشوفلك درجتك ووو الخ
المهم كلام عادي زي كدا …
لمن خلصت مكالمة رحت لماما وجلست اقولها قالت ايش الكلام دا ؟؟ المفروض كلمة ورد غطاها
مو يجلس يهرج معاكي وانتي تديه فرصه 😛
المهم طنشت وجا يوم الجمعة وارسلتلو جمعة مباركة دكتوري الفاضل خخخخخ
وقولت لماما وزعلت مني … 😉
وبقدرة قادر قفل جوالي وخرب يعني ماعرف رد ولا لاءا واليوم اشتريت جديد .. المهم ماعلينا
السؤال
ماما تقوول عيب ايلي ليش ترسليلو وهيا زعلانة مني عشان المسج يابنات مش الاتصال
الاتصال عااادي بس زعلانة من المسج مع انو مسج محترم لكن ايش نقول
ايش رايكم هل انا غلطــــــانة وهل فيها شي لو ارسلت لدكتوري في الجامعة رسالة للجمعة والمناسبات
وعوني ونوروني 
