هل انا عاقه…ارجو من كل من يدخل الرد

تكفووون والله ماعد اطيق اجلس مع ابوي ولا اتكلم معه حتى اذا تكلمت اتكلم
وكلي ضيقه وغلق مدري لييييه؟؟
ولا احب اقوله لي شي حتى والله اذا بغيت فلوس او اي شي ما اقدر..
حتى اذا صار معي فلوس لي ما اطلبه..واحس ان عندي عزة نفس زايده معه..
لين صارت امي وخاختي يهاوشوني يقولون انتي الضعيف
تلعبين بفلوسك وابوك ماعليه قاصرولاتطلبين!!!
خصوصا ان بنت ابوي مرره ماكره بس دايم تطلب منه ويعطيها
على انها ماعليها ولا نص قاصر ياماشا الله
لكني اظغط على نفسي..والله ما احب اطلب منه اي شي
ولا عندنا احد يودينا ويجيبنا الا هو عاد عندي اخوي الي اصغر مني
بادي يسوق فانا كذا ارتاح لأني اصير اطلب منه يجيبني ويوديني
ترا لي خوان كبار بس محد لمنا مسافرين..
ولا ادري متى بيرجعون لكن الي اعرفه ان المده طويله..
وبس فيه واحد اكبر مني وما اظلمه والله دايم يساني تبون شي
كذا كذاك لكني استحي منه..
خصوصا متزوج وزوجته تغااار مننا على انها حليله معنا ما اظلمها والله..
المهم ابي اعرف اذا كرهي لأبوي هذا يكون عقوق او لا؟؟؟
والله حتى اكره اجلس معه بنفس المكان..بالذات اذا ذكرت اول وش كان يسوي فيني
(((لما كنت صغيره كان يتحرش فيني)))لكنه ماكان يدري اني داريه
لأنه يجي وانا نايمه يعني دايم تلميس مررره يضااايقني
ومن بعدين صار يلمس بس يديني وارجولي لين الركبه لكني صرت ابعده عني..
يعني هذا وانا بالثانوي وصرت اقدر ادافع عن نفسي بشكل افضل والحمدلله……
يانااااس والله ماعاد اطيق اشوفه..
عاد الحين الحن بديره وهو بديره ثانيه يجينا خميس وجمعه..
المشكله انه هوالي قال نبي ننقل والرياض زحمه ومدري ايش<<بعد ماتقاعد..
ويوم نقلنا راح للرياض وخلانا..
المهم هو عنده زوجه ثانيه بس من4 او3 سنين متهاوشين وله تقريبا2 ونص ما ينام عندهم
يعني بس اذا جت العصريه يروح لهم بعض الايام والا يتعشى اويتغدا بس مايجلس يوم كامل
وبس من نقوم لين ننام هواش بهواش ومرررره متسلط على امي من عرفته
وهي يصبحها بالهواش والطنازه..وامي ساكتة له
المهم كل شي الحن الغلطاني وهو الصح..
وزاد يوم نقلنا صار يقول انتم رحتوا ماتبوني ولا حتى اخذتوا شوري او استاذنتوا ووووووبلبله عالفاظي
بس الي يقهر اني كنت اذا رحنا او انا راجعه من الجامعه اساله بننقل او لأ عشان اخذ نقل؟؟؟
ويقول بكيفكم الي تبون واقنع امي اننا ننقل وعشانهم قلت يالله ونقلت..
والحين ورطنا والله بس يجي بعض اجازة اخر الاسبوع ووالله نه بالكثير يعطينا بالشهر 500 ريال هذي اكثر شي عطا امي
وتراها تشمل مقاظي البيت والغاز وشحن الجوالات(ترا حتى امي شحن مب فاتوره)
والله ماندري وش تسوي لنا هذي بعدين بس كل ماقلنا نبي قال انتم ماتخلصون من الطلبات
ويجلس يمن علينا بالميه او الثلا3 ميه الي عطا امي قبل الاسبوعين
مدري ليش مررره غريب الاطوار
يعني اخرتها امس كانت جايتنا اختي ومعشيتنا وكان جاي زوج اختي الثانيه لأنه كان بيودينا للديره وهو الي جابنا عند ابوي(((مب حب له بس عشان عندنا مواعيد وشغلات))))
عاد والحن نتعشا جانا يهوش وين الشاهي؟؟؟
محد معطيه وجه نتعشا(حر البطون يعمي العيون)
المهم وجلس يهوش انتم وسخين ورا المطبخ ماغسلت مواعينه والحمامات وسخه
انا هنا ماتحملته اكثر قلت المشكله انت الي ساكن بهالبيت مب الحن
بجد شي يقهرررر 😆
المهم رجع يهوش عشان الشاهي هنا ادري الحن غلطنا ماجهزناه
بس انا من اول مايهوش خلاص افقد السيطره على اعصابي ,,
والا اسفهه مررره عشان مايكون اشتباكات مالها اي فايد بالعاكس كلها اضرار
المهم قالت له امي وشو الرجال تلقاه دايخ ويبي ينام..
لأنه جابنا الصبح بدري مررره وراح كان له شغل تغدا عندنا وراح مدري لوين
المهم جا بعد العشا عشان يرجعنا معه لكن صارت اختي مابعد رجعت
عندها اختبار قدرات وتاخرت مره المهم انه امي قالت اساله اذا يبي شاهي او لا
ابوي ولازم يطلع صوته::اكيد بيقول لا اقول زينوه وانتم ساكتين
امي مررره تنرفزت وراحت لغرفتها وقالت لي روحي زيني الشاهي
قمت ازينه الا وابوي معه البريق يحط المويه
وكذا انا رجعت مررره معصبه وهو معصب<<<لو قلت شي رجع يهوش
المهم جلست بالصاله والله نكد علينا عشانا محد كمله
المهم ورجع يهوش شوفوا الرز كاشر<<اي مكشوف للاوساخ والحشرات
يالله قوموا نظفوه
المشكله والله مادرينا انهم جايبينه هواشه ظيع تفكيرنا
يعني جابوا العاشا ولا احد علمنا المهم قامت اختي راعية العزيمه ونظفته
عاد انا استحيت على وجهي ودخلت اساعدها ولاها ما شاالله بدت تخلص
احلا شي اوبي شكرها وانعم الله عليكم ومن هالحتسي
المهم يوم شفت اثره حاط الشاهي بصينيه والله الحن يا اهل البيت اقل من القليل نستخدمها
من شدة ما انها مب زينه وقديمه<<يعني احسه يقول شفهم مايحطون لك شي زين
رحت غيرت الصينيه وكان يهوش وين السكريه ووووو ظبطناه الحمد لله…..
بس ما ادري ليش احسه بس يبي يسوي لنا فظايح عند الناس وهواش
وكل ماجونا خوالي والله بس يظايقنا ويعصب وسكوا الباب ويدخل ويطلع
والله خالاتي فهمواها انو لعد تجون وصاروا يتظايقون لما يجونا او بالاصح ماصاروا يجون زي اول

عاد انا اليوم انا واياه بالبيت لأن عندي بكرا موعد
وأهلي وراهم دوامات راحوا وانا بجلس كل هالاسبوع عنده
ولي بغى يروح للديره ارجع معه..
اقسم بالله ما كو راحه نفسيه ابدا
اكره اكون انا واياه بالبيت لحالنا
يعني اول مانقلنا كان لي مواعيد مررره كثيره واذا جيت اكون انا وهو بالبيت لحالنا
وبعض الحيان يكون اخوي الي اكبر مني على طول موجود(قبل لا يسافر)
المهم كنت اذا بغيت انام اقفل على نفسي الغرفه
ولما يكون البيت فيه اهلي لا عادي ماتقفلها
المهم انه يزعل لما اقفلها يقول ليش تخافيني اجيك!!!
والله مدري وش تفكيره؟؟؟
المهم ابوي شوي فري يعني لو انام انا واياه بغرفه وحده عنده عادي
مافيها شي يعني مع بنتي مب غريبه!!
((طبعا كل واحد بسرير اخاف احد يفهم غلط))
المهم احس اني مقصره معه يعني ما اطبخ له دايم انسى
ولا احب اجلس معه واجلس وانا ساااكته..ومطنقره..

ياناس ما ادري وش اسوي معه؟؟؟ الى اي مدى انا مقصره؟؟؟؟

ساعدوني خففوا علي..تكفون ابي الردود الي تشفي الخاطر..
ولا ابي ادعيه بس تسكيته<<طرار ويتشرط
لا بجد يعني الي بيدعي لي يدعي بظهر الغيب والله يعافيكم كلكم