هل أنا معقده ؟ بنات والله حامت كبدي من كلامهم اتمنى الكل يدخل

ابدخل بالموضوع على طووول

بنات حدي معصبه وحدي متضايقه تعبت والله كل اللي حواليني يقولون لي انتي معقده وانتي مو شايفه حياتك ومو مهتمه بنفسك وانتي وانتي … :(:) 😆 🙂 😆 idea:

بنات مشكلتي اني متعوده اتكلم بصراخ واتصرف بعض الاحيان بدفاشه وفيني طولة لسان 😆 hy:

صحيح اتكلم بدفاشه وصوتي فيه بحه بس كلي انوثه مدفونه ههههه

وبنات خالاتي واغلب اللي يعرفوني يقولون انتي معقده

في وحده عمرها 16 تشوف افلام وثائقيه وتقرا كتب ولا تحط مكياج ولا مناكير لا راحت المدرسه ؟ ولا تحط الا بالمناسبات وخفيف ؟؟ 💡

بنات اللي محترمه نفسها وماعندها علاقات مع شباب ،،، معقده ؟؟ 🙁
انا ماحب العلاقات ولا أحب أكون فاكهة الكل يذوقها 🙁

معقده لاني اخاف على نفسي كثيييير واحسب ألف حساب قبل أي خطووه ؟؟

معقده لاني مهتمه بدراستي بالحييييييييييل واهم شي بحياتي هو دراستي ؟؟

معقده لاني ماحط مكياج ولا احط مناكير وما احف حواجبي ؟؟؟ مع العلم يابنات الكل يشهد على ذوقي انا ما امدح نفسي بس اللي حولي يعجبهم ذوقي كثيييييييير وواجد يستشيروني اذا جاو يشترون ملابس او هالاشياء …

معقده لاني ما اكلم الشخص اللي احبه ويحبني واتغطى عنه وأصد اذا صادفته بالغلط ؟؟؟

يعني انا صحيح بنت وإنسانه وبعد عندي مشاعر بس ماحب هالحركات ..

انا فيني ثقه عااااااااليه بنفسي لدرجة احيانا يقولون عني مغروره

مرات احس نفسي غرييبه تدرون ليش ؟؟ لاني ما اهتم حق الشباب ولا احاول الفت انتباههم مثل اغلب البنات !
ادري يمكن تقولون هذي بويه بس والله انا طبيعتي ما اطيق المراهقين بعيشة الله
احسهم سخيفييييييين وبايخين وماعندهم سالفه ويحبون المظاهر

ليش يقولون عني معقده ؟؟؟ 😆

انا معقده لاني ما أرفع صوتي في الشارع ؟؟ معقده لاني ما البس نقاب ؟؟ معقده لان عبايتي عباية راس وواسعه وماتلمع ؟؟

معقده لاني ما احب أتبع أي موضه ولا أحب المكياج حييييل وما احب البنات الخفيفات عقل !!!!؟؟؟؟

تكفون قولوا لي انا معقده ولا بويه لأني أخالف تفكير جيلي المنفتح على كل شي ؟؟؟؟؟