هـ ـلـ أنتــــي بـــقـــ ـ ……. ؟؟؟؟

بصراحه بقولها في الوجه بلا لف ولا دوران الحريم بقر

ماعداي انا << والعياذ من كلمه انا

لا صدز يعني الا من رحم ربي

بصراحه شوفو انا ماكتبت هالموضوع الا عقب ماطقيت ومليت من الي اسمعه

بصراحه اليوم بنقاش معكم حال هالحريم << وش ربي حادتس

مها تجلس ماغير تدور ساعتين ونص في النت تدور خلطه تبيض الركب لييه

لان خالد << رجلها يقول ماش ركبك سوود 😀

خالد بالله ماعمره تفصخ وشاف فصااخته في المرايه 😡

تسنه عوود اسنان عبد لا ومن حلاة الخشه لاكشخ كشخ لبس لك شورت اسود << شاريه اول ما اعرس 😆

وترك صدره يقاله اغراااء من زينه هالصدر كله شعرتين وفرحانن فيهم مرره يحطهم على اليمين ومره على اليسار 🙁 😎

والبقررر بقررر …

ولا عاد تجيك نوره مافيه لبس تنكري لأي حيوان في العالم الا رازته في دولابها 😈

يقالها يعنني مسوي حركات واغراءات 😆

يقالها كل ماكثرت ملابس سعد بيحبها اكثر 😈

ترى قصم سعد ماجاب خبرتس ولا درى وش انتي حاطه ولا وش انتي لابسه

وراس ماله كله بينجدع ولاتزال نانسي ازين منتس 😎

لا وباتسر نوره تدق على مراااااااام

فاتك بصراحه في وحده في النت تبيع ملابس حلووه مرره روحي اشري منها 😳

وشو ملابسه حلووه ترى كلها صينيه قمااشها خسته ومخيسه وكلش

البلا يجيك شي مخيس على 220 ولا 170 ياختي روحي لاسنزا روحي نعومي روحي محلات صح

انتي دافعه دافعه هالمبلغ اكشخى على سنع على الاقل

وبرضوو مافيه فايده

سالي فتاه مسالمه يقالها تحاول بكلل مااوتيت من قوه ان فهد يحبها ➡

وعندها اعتقاد اشبعي زوجك في رغباته تصبيحين الافضل
(( يانااس المحبه في القلب يعني اذا كارهتس خلاص كارهتس انسي يحبتس 😆 hy: ))
وتجلس الغدا مافيه اكله في العالم الا سوتها حتى لدرجه الشيف رمزي احس مايعرف نص الاكلات الي طابختها

مافيه لون من الالوان الا سوت منه سهره

الليله الحمرا . الخضرا . الزرقاا ➡

حتى اشك انها بدت تخترع الالوان

طبعا بلا فايده لان الاخ فهد

كل يوم سهريه الى الفجر مع اخوياه في الاستراحه
ومبلطين على الشوتايم لا هذي ازين ولا هذي

ياخي هذي لو تسمن شوي ازين << اشوى انها ماعبرتك ياتوم الكروز السويدي 😆

(( تسذا حسيتهم من سكان السويدي 😛 ))

ولالنا نقول البقره بقره
حصه عندها اعتقاد ان الرجال مخلوق مقدس

وانه مهما قالت لتس قولي له امر ولبيه

حتى ما تسالين ليه 😎

تلقين دحيم ماغير كل اجازه يا في اندونيسا يا في المغرب يا البحرين 💡 😆

واذا سالتيها تقول مسكييين مشااغله ماتخلص (( خلصت روحه بلا خلصت رووحه 💡 ))

لا ويقاله يعنني الزوج المثالي لا رجع من سربته وداهم اسبوع للشرقيه 😀

والبقرره بقرره

نجوى ماغير تدور 24 ساعه في من موقع الى موقع تدور العاااب جديده بس تشريها

البلا تلقين اللعبه فلانه حاطتها بـ 70 وفلانه 65 وكل مارحتي الموضوع الي بعده لين تصير الدرزن بعشره 😆 hy:

وماغير تشري وتشري على غير سنع

برضووو محمد لاهي في الاستراحه على النت

وداخلن شات (( متزوج محروم – متزوج فاقد العاطفه – متزوج ولكن – متزوج طفشان )) 💡

ولاعبر ذا الي معبيه البيت كله العاب

والله لو تطيع شوووري وتشري لها منبولي اصرف لها ➡
ونعيد ونقول لافائده البقر بقر

ساره مدري من ضاحكن عليها وقالن لها اي شي يبرق ولا يطلع نوور يثير الرجال ويصير شي رومنسي 😡 😆 🙄

مافيه لاصحون لا كاسات لا لمات تعلق لا ملاعق لا عصياا لا كور الا وكلش يبرق 😳

والكمخه تشريهم من النت الواحد على 40 او 50

روحي ابو ريالين الدرزن بعشره وريحي راستس ➡

ومنها مريي السدحان اشري لتس جزمه تولع بعد تراها تخقق الرجال 😆 🙄

وياعميري وتجلس ذاك اليوم مافيه شي ماحطته يولع وويبرررق

ويجي احمد نفسه في طرف خشمه << مضحوكن عليه ان الرجال لازم تصير نفسه خايسه 😥

وماغير يهووش وشذا الاستراف انتي مهبوله تبين تطفى علينا الكهرب

وكالعاده البقره بقره ماتتوب

لا مها الي عقلت ولا سالي الي تابت ولا ..ولاا ..

ولااا وحده حاولت تغير من طبعها

يابنات والله الحياه الزوجيه مو كذا

موب لازم انتي تحققين له كل طلباته

انتي بعد انسااانه ولك طلباتك ولك احتياجاتك

ومو لازم التنازل يكون من قبلك انتي عادي يعني لو تنازل هو مره ترى مايضره شي:)

للأمانه