هـــل صحيح فيه بنات يحملون بعد الدوره مباشرة ؟؟ وياليت اللي حملت بتوأم تدخل وتفيدنا

كيف حالكم ياحلوات؟؟

حبيباتي في سؤال محيرني

احيانا اسمع الحريم يقولون ان أحيانا الوحده تحمل أول ما تغسل من الدورة!!

يعني يكون تبويض مبكر

بنات صدق هالكلام!!

لأني على بالي انه كل الحريم يكون لهم فترة تبويض معينه اللي هي يوم 13 أو 14 أو 15 من الدورة

اللي حملت بعد الدورة مباشرة تخبرني

لأنه صديقتي شاكه لها اسبوع من انتهت الدوره وهي في الاساس مستخدمه كلوميد

وكل يوم تكلمني وتقولي احس بكيذا واحس بكيذا

وشكلي حامل من يوم خلصت الدورة

وانا قلت لها مستحيل

وتقول شكلي حامل بتوأم >>>> تتوهم

تقول احس اني حسرانه واروح للحمام واحس بموجة حررر

واذا جلست احس بشيء ثقيل اسفل بطني ومزعجني كأني حسرانه

بس اذا رحت للحمام مافي شيء

انا قلت لها انه شكلك في ايام التبويض؟؟

وانه موب معقوله بهالسرعه تحملين

قولو لي وش أقولها بالضبط

لأنه متشفقه على الحمل

ونصحتها تشيل هالتفكير وماتهتم باي اعراض تجيها لأنه الدكتوره محدده لها يوم تراجعها فيه علشان تخبرها متى موعد الجماع

الله يرزقني ويرزقها آمين بالحمل السليم التام المعافى

واللي منكم حملت بتوأم ياليت تقول لنا أعراضها بالضبط بالضبط

يمكن أقدر اقنعها وتخفف هالتفكير اللي عندها الله يهديها

ويسلموو حبيباتي

ويارب نصير حوامل انا وصديقتي هالشهر قووولووو آمين 😐