هذه قصت ولادتي بي عبودي

حبيت اقولكم الحمدلله ولدت عبوووودي يوم الاحد الموافق 19/12/2010م …. 13/1/1432ه

المهم

احكيكم القصه

كان يوم السبت في الليل كنت احس الم في ظهري

وبعدين قولت عادي دا الثقل اللي فيا وطنشت الموضوع على اساس انه بدري اني اولد لانه بكريه وغير كدا لسع دوبي بدايه التاسع
كان ليا 37 اسبوووع لسع ماكملته يعني

تبعا جاه يوم الاحد اتغديت وعليا بالخير ونمت بعد الغدا واصحى على المغرب
والاقي مويه نزلت عليا تبعا انا لوحدي في البيت ومحد معايا
على طول اتصلت على ماما وجلست ابكي واتصلت على زوجي ورحت بيت اهلي بالليموزين تبعا وكنت مره خايفه لا اولد في الليموزين
وصلت بيت ماما ونزلت المويه تاني مره تبعا ماما خافت اتصلت على بابا واعطتني على طول عسل قالت شكلك راح تولد وانا اقولها مافي الم بس مويات دي واتصلت على طول على الدكتوره وقالتلي لازم تجي على كشك الولاده ونشوف مويه الراس دي ولا مويه شيء تاني
تبعا بابا جاه ورحت المستشفى ودخلت كشك الولاده

وجات الدكتوره تقيس وقالت 3سنتي مفتوح وانا خفت وجلست ابكي وحطتني تحت الملاحظه وانا لوحدي مادخلوا ولا احد معايا وتبعا حاطين الجهاز وانا من الظفش جالسه اراقب الجهاز ومافي طلق ابدا

لين الساعه 5 جاتني الدكتوره تقيس ولقته 7 وصل قالتلي استعدي دحين بعد شويه راح تولدي وانا مره خفت لانه مافي احد معايا انا لوحدي

وجلست اقرا قران وادعي انه ربنا يسهل ولادتي

وقولتلهم اتصلوا على الغرفه طمنوا ماما وام زوجي وزوجي ما رضيوا

المهم حطولي الكمامه وجلست لين الحمدلله تمت الولاده على خيييييييييير

وصحيت ولقيت عبوووووووووووووووووووووووودي جمبي

وطلعوني برى عشان اهلي يشوفوني واول شخص حضنته زوجي والدكتوره تضحك عليا وتقولي عيييب

هههههههههههههههههههههههههه

تبعا انا ماكنت ادري

المهم وشويه طلعت غرفتي

وبداوا الناس يجوا

وبدات الهدايا تهل

واخليكم مع الصور تبع المستشفى

دي التفاسير تبعا

ودا تبع المستشفى

ورجعت البيت وماما سوتلي تزيين على مدخل البيت

وتبعا كانت ولادتي في مستشفى الالماني في جده

وما جاتني الدكتوره نسرين اللي كنت اتابع عندها لانه بس مرتين رحتلها لانه كنت اتنقل من مستشفى لمستشفى عشان التامين

ولدتني وحده تانيه بس مره طيبه اسمها على ما اظن ايمان

وبس