عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اهلين و سهلين بكل العرايس الحلوين ………..
أولا 😡 : أشكر كل من ساعدني من هذا المنتدى بأي معلومه او تجربه فادتني في زواجي …
ثانيا 😛 : مثل ما أنا إستفدت لازم أفيدكم و لو بشئ قليل …..
فقررت اليوم اني أكتب كل تجهيزاتي ..سواء في الدبش (العفش ) أو تجهيزات ليلة الفرح …
و أي استفسار أنا جاهزه …..
نبدأ بإسم الله 😳 …..
بالنسبه للملابس …لازم تركزي مو تشتري من غير حساب …يعني اولا حددي مبلغ لكل شئ
…ملابس خروج او فخمه ,اسبورات .ملابس بيت ,لانجري ,(ملابس النوم و هذه اهم شئ;) )…
اذا اشتريتي مثلا بلوزه فخمه حاولي تكملي الطقم سواء بنطلون او نتنوره ,اكسسوار , جزمه , شنطه …موتشتري من غير تنسيق بعدين تتفاجئ ما في شئ كامل
))
))
العطور… لا تكثري 5…كفااايه
المكياج …لا تنسي الالوان الفاتحه و الناعمه لأن هذه اللي بتستخدميها أكثر ..لا تنسي بودره للجسم بلمعه خفيفه …و الكحل يكون ماركه كويسه ما يسيل و يعدم الدنيا و أنا أرشح كحل( كلارنس ممتاز) ..
الأدوات الشخصيه ….
هذه أهم شئ …..(فوط صحيه ,كولتات الدوره (مهمه ), ماكينه نزع الشعر (النوع اللي ترتاحين له ), أمواس , حلاوة شعر عاديه و شرائح شمع فيت للجسم و الوجه ,ملقاط (مهم مره مقهوره 😐 لأني نسيته ) غسول للمنطفة الحساسه , كريم لحساسية و التهابات المنطقه الحساسه (لأن في بداية الزواج تكون المنطقه متهيجه شوي )…
إن شاء الله ما أكون نسيت شئ 😎 ……
ننتقل لتجهيزات الفرح
…فأكيد عرايس الطائف راح يستفيدوا أكثر …
الفستان
سويتها عند واحد في شارع الستين اسمه الكوشه ..ما عجبتني قد كذا ما سواها زي الصوره مع ان قبل كذا سوينا عندو في زواج أختي طلعت تحفه لكن كان واحد
ثاني اللي شغال فيها… وعلى حظي سافر …الحمدالله على كل حال …لكن الطاولات سواها مررره حلوه …
المسكه 👿
سويت ورده وحده كبيره …مره طلعت كيوت …خليتها سكري و شرايط ذهبي ..خفت أختار لون معين بعدين أغير رأي في المكياج ..أو ما يطلع ماشي معاه ….
الجسم :P..
جبت وحده في البيت عملتلي جسمي ..لكن نصيحه يابنات لا تشيلي لا ظهرك و لا صدرك و الله لليوم و ظهري و صدري معدومين من الحبوب ضيعت كل تعبي على جسمي حتى و جهك اذا انت مو متعوده تشيليه لا تشيلي صدقيني راح تندمي بس شيلي الشنب و بس ….
المهم ..شالت جسمي و سوتلي زي الدلكه بدقيق الحمص و زيت الزيتون ,,تخليكي ناعمه زي الحرير مررره حلوه حتى في المشغل لاحظوا قالولي انت اش مسويه حمام …و نقشت ساق وحده بس من على جنب طلعت روعه لماتلبسي قصير او مفتوح تبان مررره حلوه …(اللي تبغى رقمها ترسلي على الخاص ))
المكياج ➡
كانت عند أريام …بصراحه مررررره ارتحت و طلعت فرحانه من مكياجي …و التسريحه ….و قبل و قتي كمان …
المكياج عند وفاء سويت اللون التوتي على الوردي و الروج الوردي الصارخ زي باربي . ناعم و حلو وراقي ..التسريحه عند هاجر تجنن يابنات ما شاء الله عليها موهوبه من جد ..سوتلي التسريحه من غير صوره و لاشئ قلتلها أنا أبغى تسريحه حلوه و فيها شكل مو بف عادي ..و تركتها تسوي اللي تبغاه بصراحه ابدعت ….
التصوير
بصراحه عجزت الاقي أحد في الطائف يبرد قلبي …فجبت من جده استديو العاجي ….
سويت …ألبوم كامل ديجتال ,,,فيديو ,,,شاشة عرض ,,,عرض مباشر ,,,نصف فيلم للعائله ,,,و عملتلي هديه الالبوم الصغير و مجله ….
الحمدالله طلعت رووووووعه من جد يابنات شغل مو اي كلام و مواعيدهم مزبوووطه ..الساعه 9 و هي عندي في القاعه و ما خرجت الا الساعه 4 بعد ما خلصت كل شئ ….و بعد شهر و اسبوع تقريبا طلعت الصور ….مررره فرحت لما شفتها ..انت عارفين ما يبقى لك ذكرى من الفرح الا الصور …..
الزفه
الله يعطيها العافيه مرررررررره حلوه و جديده الكل عجبته من جد خيال و تعاملها زي العسل مع اني ما صحيت الا في الاسبوع الاخير بس الحمدالله عدت على خير …و نصيحه اذا سويتي زفه لازم تاخذي الكاسيت و السيدي لأن بعض الاحيان في واحد يطلع أوضح من الثاني …..
في النهايه ادعولي ربي يوفقني و ييسر أمورب كلها ….
اللي عندها اي استفسار لا تتردد احنا أخوات
….
