عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته..
أخواتي في الله ..جئتكم اليوم لأخرج مافي داخلي ..فأتمنى منكم أن تستمعون لي وتنصحوني ..وجزاكم الله خيراً..
أتمنى منكم قبلقراءة هذا الموضوع أن ترجعوا إلى الموضوع الأصلي الذي هو الأساس
http://satfrequencies.com/girls/showthread.php?t=450691 (http://satfrequencies.com/girls/showthread.php?t=450691)
وآخر اللي بينا ..إني كنت أكلمه ع التلفون ،مع إني أفرح لأني كلمته وسمعت صوته إلا إني بعد ما أصكّر أقعد حزينة وألوم نفسي..
أدري إنه غلط ..بس هذا اللي يرضيه..والشي الثاني اللي خلّاني أتشجع اني أكلمه ان هو ماكان عنده مشاكل اني أكلمه ،وولا قال ما يصير أكلمك ما يجوز..
وبعد فترة من هالمكالمات رسلت له مسج وقلت له اني بنهي اللي بينا وإنا لازم نفكر بعقلنا مو بقلبنا وإنا بنكبر وننسى وبتظل معزتك مثل أخوي وولد خالتي..
رسل مسج وقال:لو لي معزة عندك قوليلي ليش هذا كله
اتصلت عليه وقلت له إن هذي ىخر مرة أكلمك فيها ..وقعد يقول لي ان الحب مو بالغصب إذا ما تبيني خلاص الله يوفقك وما بغصبك على شي..بعدين قلت له:يعني انت مو زعلان الحين،قال:لا تحسبين بقولك مو زعلان مثل كل مرة،وخلاص أنا مالي نفس أتكلم الحين بكلمك بكرا،قلت له:وبتنام وانت زعلان،قال:ما أظن انه يهمك هالشي (أنا هنا قعدت أصيح،والله اني ما أقصد اللي فهمه بس غصباً عني) بعدين صكّرت وهو زعلان وحالته حالة،حتى قال :مابروح الشغل بكرا وخلاص ماعاد يهمني الحين..
قعدت تقريباً نص ساعة ودموعي تسيل بعدين اتصلت عليه وراضيته ورجعنا نفس ما كنّا..
هو متعوّد ان كل اسبوع اكلمه مرة..وقريب صار لي ظرف وقطعته أسبوعين
كنت أدعي فهالأسبوعين انه يفهمني ويعترف بأنه يسوي شي غلط..
فاتصلت عليه وقالي وينك ع المدة كلها ،قلت له:كان عندي ظروف منعتني من اني أكلمك،قال:وتوك تذكرتيني وإلا مشيتِ على كلام عقلك..بعدين قال أنا فكرت بكلامك وشفت انه صح وهذي آخر مرة أكلمك فيها ..وإذا جاكِ نصيبك لا تردينه..،أنا كنت مصدومة كل المكالمة فقلت له أهم شي انك ترضى ربك والله يحفظك وييسر أمورك..
بعد هالمكالمة ،قعدت أصيح بشكل مو طبيعي ..حتى اني نمت من الصياح وقمت اليوم الثاني وأنا أصيح..
كنت تعبانة نفسياً حييييييل..اتصلت على اختي اللي هي عايشة عندهم في المملكة وقالت الحمد لله انها جات منه مو منك واحمدي ربك انك ارتحتي منه ..(هي دايماً تذم فيه وفي طبعه وتقول ان الكل يشتكي منه) بس أنا ماكنت أقدر اصدقها ..
قبل ما يصير هذا كله كنت كل مااستخير أسمع عنهم شي يضايقني..
بس ما أدري أنا أتوهّم وإلا صدق
اللي ساعدني اني اتركه هو انه كان انسان ملتزم والحين تغير 180 درجة وهذا اللي مخوّفني..
وسؤالي هل أنا مكبرة الموضوع في اني أكلمه وإلا اللي سويته صح؟؟
في الوقت الحالي أنا مستانسة لأني رضيت ربي وفنفس الوقت حاز بخاطري أني تركته..
كنت أقول قبل لازم احتار واحد من الاثنين(يا اني ارضي ربي أو اختار رضاه)؟؟>>شو رايكم فيها..
بس في النهاية اخترت رضا ربي حبيبي ..
ساعدوني..ريحوني..قولولي اللي سوّثيه الحين صح وإلا لا؟
وهل انا بالفعل خسرت انسان كان يحبني؟؟>>والله هذا أكثر شي مؤثر فيني ..
وهل اللي سوّاه شي طبيعي أو انه يقصد شي؟؟>>>من وجهة نظركم..
واللس خلّاني احتار أكثر هو انه كان يحبني حييل..كل اللي كان يقوله ويسويله كان يدل على هالشي ..بس كيف يتخلّى عني بهالسهولة؟؟!لو فرضنا انه من جد فهم كلامي وقصدي معقولة يقول إذا جاكِ نصيبك لاتردينه؟؟!
سامحوني ع الإطالة..
بس محتاجة لآراكم وتشجيعكم لي.. عشان ما أحس بالندم
وبكل صراحة..وجزاكم الله خير:)
