هذا وش الحل معاه …؟؟ ترا تعبت

بنات عندي مشكله وابي منكم راي يرضيني او دعاء يسخر لي زوجي

انا متزوجه قبل ثلاث سنوات و نص, و عندي بنت عمرها سنتين و 4 شهور و تفضى الشوارع من خلق الله الساعه 1 او 2 , حاولت اكلمه لكن لا حياه لمن تنادي ,

وانا عندي جامعه ….؟؟ طلبته يجيني بدري

وصار الي طلبته وقام يجيني 9 الليل و يطلع من عندي 10 يعني ساعه مو هنا المشكله

المشكله انه ايام خميس و جمعه مايجي الا الساعه 1 او 2 , تهاوشنا و تزاعلنا وحطني قدام الامر الواقع

وقال هذا انا جذي وماراح اتغير عجبك والا ماعجبك شربي ماي احسن , ودخل الغرفه ينام قمت و اعتذرت له وانا ابكي , بس مارد علي ولا بكلمه و الحين لنا 4 ايام مثل الاغراب ببيت واحد لا يكلمني ولا انا اكلمه

الي علي سويته ورحت اعتذرت بس اهو الظاهر عاجبنه نتم زعلانين عشان ياخذ راحته بالسهر

وفوق هذا كله مانعني اخذ دورات عشان ما احس بغيابه الطويل عن البيت , مانعني اشتغل , مانعني اشترك بنادي رياضي , مانعني اروح السوق مع خواتي , مانعني الاعراس مانعني اشياء كثيره

ابي اشغل نفسي عنه ما ابيه يكون شغلي الشاغل مو عارفه شلون
اما هو يمارس هواياته ( حداق , رياضه , كشتات , سهر , سفر عشان هو لاعب )
بكل سهوله بدون احد ما يعكر مزاجه

قولوا لي وش الحل وش السوووات لا تقولوا لي روحي اعتذري له مره ثانيه لاني مستحيل اسويها

فوق انه غلطان يتمادى