عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاتة
خواتي جيت افضفض عنكم مالي احد اقدر افضفض لة او اقول لة اللي بقلبي
يعلم الله اني مقهورة وتعبانة وزهقانة وكارهه الدنيا
هذا ثاني زواج لي وماكتب لي ربي الذرية الى الأن
ولاهو شي بيدي
لي 6 سنين وبدخل الحين السابعة وانا انتظر هالمولود
زوجي صار يحسسني انة مل من الأنتظار وانا مابيدي حيلة
عندي ضعف وخرابيط ثانية تعبت وانا ادور بهالمستشفيات والمستوصفات
واعالج العلاج اللي مايسوى بس تعب جسمي من هالعلاجات
بيضيع شبابي وانا ماستفدت شي
اللي يشوف وجهي الحين صار يعطيني اكثر من عمري هموم ومشاكل
وتعب وحالة مايعلم بها الا الله
اليوم زوجي يقول لي اخاف اموت ماجاني عيال
بكل انكسار وضعف قلت انا مابيدي شي وهو كل اللي سواة تلحف ونام
مافكر وش بتسوي بي هالكلمة
تعبت تعبت وانا ادور واسطة لمستشفى صاحي يعالجني زين
عالجت في مستشفى حكومي بس لعبو فيني بالمنشطات اللي ماتناسبني الى
ان
جاني نزيف على غير فايدة
ماكتشفت حالتي ولا وضعي الا لما رحت لمستوصف اهلي
وعلاجي يكلف ولا قدرت اكمله الين القى نتيجه
كل ماعالجت قعدت شهور بدون مااكمل
ودي اسوي تلقيح انابيب اي شي بس مايعلم بحالي ووضعي غير الله
زوجي مديون ولا قدر حتى يوفر لي علاج المنشطات بس مو عاد التلقيح
وكل شهر يوعدني الشهر اللي بعدة يعالجني
تعبت وانا انتظر بيروح شبابي
كل تفكيري لو طلقني وتركني وين بروح ووش بسوي اهلي ماراح يدومون
لي حتى وضعي لاوظيفة ولادراسة زي الناس ولامستقبل
يارب اتمنى لو طفل واحد اشمة واضمه واحضنة
جبت واسطات من مكتب الامير سلمان مرتين وكلها انرفضت من المستشفى
التخصصي
وجبت واسطة من امير ثاني ونفس الشي انرفضت
كل اللي ابية علاج علاج بس
لية انا يصير فيني كذا وانا بنت هالبلد اللي يعالج الناس اللي برى
زوجي خسر على علاجي الاف وعلى غير فايدة لاني ماقدرت استمر
بالعلاج
علاجي يكلف ولا كتب لي ربي شي
ودي اسوي تلقيح والا انابيب ولا اقدر على كلفتها خاصة ان المنشطات
لحالها غالية
وش اسوي ياربي افرجها علي
قبل فترة صارت بيني وبينة مشكلة اهل زوجي على طول نصحوة يتزوج
وانا قلبي يتقطع من جوى
مابيدي حيلة
ولا عندي حل
تعبت من كثر البكى والدموع ويعلم الله اني ماقد حسست احد بشي
حتى زوجي صار يفكر اني ماعدت اهتم
قلبي يتقطع من جوى وانا حتى امي اغلى ناسي ماقدر اشكي لها
بروحها اللي فيها يكفيها
والله اني مريت بمشاكل وبلاوي بهالدنيا تشيب الراس
كل هذا وانا صابرة لكن تعبت تعبت تعبت الحين وصرت اتمنى الموت وبس
والله ماعاد احس بطعم هالدنيا ولا صار عندي هدف
لاتقولون لي اصبري وفلانة جاها بع 8 سنين وفلانة بعد عشر
انا ان صبرت احس زوجي ماراح يصبر
يعلم الله اني عايشة بدون استقرار وراحه واحس باي يوم ممكن ارجع بيت اهلي
احس اني ماني متهنية ببيتي اللي ماسكنتة ولا طلعت فية من اهل زوجي الا بعد 6 سنين معاناة وقهرومشاكل
يابنات انا مابي منكم شي غير ترفعون ايديكم وتدعون لي
يرزقني ربي الذرية الصالحه ويسخر لي زوجي ويهدية ويحنن قلبة علي
ويفرجها علينا ويرزقناويصلح حالنا
