هذا العرس والا بلاش نصيحة امها خطييييره

اليوم يوم زواج ويليام وكيت

يقال والعهدة على الرواي ان كيت ماتعودت على المصورين يلاحقونها في كل محل
كل مره يقابلها ويليام ويصورونها الصحفيين تقعد صياح
وتحن وتطن على راس بوي فرندها ماااأبيهم يصوروني واا واا واا
يقال لك تبي تكسب تعاطفه
من كثر ما صاحت وناحت الرجال طقت كبده
قال اسمعي يا بنت مدلتون انا رجال منيب فاضي لصياحك بروح ادور اللي يوسع صدري وعطاها ظهره ومشى

جت البنت عند امها تصيح امها انهبلت قالت اسمعي يا بنتي هذا مو اي زواج ان خذتي هالرجال بتصيرين ملكة دولة عريقة لا تضيعينه من يدك
قالت كيت بس يمه انا كل ما شفته بطبطت دميعاتي بس ما فاد الرجال انحاش
قالت امها هاااااو انتي مهبوله الدميعات وشي له الرجاجيل ما يحبون البنت الصياحه روحي خليه يشوفك مطنشته وعايشه حياتك ومستانسه
راحت البنت حضرت حفلة ميلاد صديقتها ورقصت واستهبلت وادهرت وصورها الصحفيين وطلعت على غلاف مجلة شافها ويليام واستخف وجاها يركض ما يبيها تروح من يده

<<<< المصدر فيلم عن ويليام وكيت بتصرف خخخخخخخخخخخخخ مصدقة روحها

المهم أنا ما أبي أصير ملكة ولا أميرة بس أبي مثل زفتها
اتخيل روحي لابسه الفستان الناعم الأنيق <<<< منيب متخيلة زوجي جنبي عشان ما تخرب الصورة لأنه ما يلبس بدله طول وقته بثوب
والعالم تتفرج علي يمين ويسار <<< ما يخالف حتى لو فيهم رجال التخيلات حلوة
والكاميرات تدهر تصورني
وانا امشي على الزوليه الحمراء <<<< ما قطع قلبي الا هي
والقنوات تعرض وتكتب بالخط العريض زفاف لحظة حنان<<<< وين العريس طيب >>>> الحياة بلا رجال ممتعة
وبعدين اركب العربة والخيول تمشي وراي منيب رايحه للقصر مليت من البيوت أبروح للغابة اكمل عرسي فيها
واشوف الحيوانات على الطبيعة <<< اقول وقفي قبل لا تقابلين لأقزام السبعة يا سنوايت