عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا …بكل فراشات المنتدى
ماادري شو اقول …بعد ما كنت مهوسه بالكتابة بالمنتديات
صرت ادش واقرا واخذ اللي يعجبني واطلع…ما ادري ليه؟؟
بس مو موضوعي هذا
موضوعي
ان انا بمرحلة جامعية ..سنه ثالثه…ودراستنا مشتركه ..طلاب+طالبات
انا طبيعتي ما اهتم واعتبر هالمرحلة مرحلة صرت كبيرة فيها ..وافهم شو معنى ان اكون في مجتمع
وبنفس الوقت ادرس مشترك مع طلاب
من اول سنه لي كنت مخلية ببالي ما تروح عيني كذا ولا كذا ولا اعطي اهتمام لاي مخلوق
والحمد الله مرت سنتين على خير ما صار فيهم لي الا كل الخير
ونسيت اقول لكم اني احب التصميم
وعندنا منتدى …خاص بالكلية ..تخصصي كمبيوتر
وادش اعطي لهم دروس واشجعهم يتعلموا بس محد يعرف منو اكون وايد تعلموا ناس
وايد ناس صارو مبدعين بالتصميم والسبب انا خليتهم يجنوا
المهم
الكل اعجب بشخصيتي وصار يسأل من يكون صاحب هالنك نيم
ورشحت اكون مشرفة واترددت بالبداية بعدين وافقت
المهم كان كل الدكاترة بالكلية يسألوا من هالطالبة …من المشاكل اللي عملتها
فعلا صارت ثورة غريبه غريبه ….والسبب انا
وشوي شوي عرفوا زميلاتي ومنهم عرف كثير ناس شخصيتي وهذا ما قلل من اعجابهم
بالعكس رفعني اكثر
لاني بطبعي هادية ومحد قادر يكتشف شخصيتي
وكثار عندي مشرفين بس محد منهم يعرفني
وشوي شوي عرفني الكل
ومثل ما قلت لكم ما كان يكفيهم الاثناء علي بالمنتدى ..حسيت حتى بنظراتهم
والله كنت مثل الملكة متوجه على المنتدى
وفجأة صرت اخاف ,ما احب اكتب بالمنتدى ..اخاف لاني بالنسبة لهم شيء كبير
واحنا بالجامعه تصير عندنا مشكلات جانبيه طلاب وطالبات
وتناقش بالمنتدي كنت اخاف ارد الا لما اكون واثقه بردي
يعني قللت كثير من المنتدى وموضيعي بس بقت شخصيتي نفسها
وانقطاعي كان بسبب الدراسه طبعا
وبنهاية العام وصلتني هدية من شخص مشرف باالمنتدى عن طريق زميلة
وانا ما عرفت شو اعمل بيها
بس زميلة ثانيه قالت عادي
اخذتها البيت وانا ما قادرة اشوف عليها مع انها شيء علمي “سي دي برامج” وكتاب
بس خايفه منها …
وخايفه يقول ليش قبلت الهديه علما بأني ما اعرفه شخصيا اعرفه كمشرف بمنتدى
يعني بالنت فقط
والحين وحده من زميلاتي نصحتني اخذها وارجعها
وانا مقتنعه
بس شلون …انا خجلانه من نفسي
شو الحل…..
