نقاب + كحل + بنطلون + عباية مخصرررة = لا و (( ماتبي أحد يعاكسها))

abdou4f 30 أغسطس، 2006 أسرار البنات التعليقات على نقاب + كحل + بنطلون + عباية مخصرررة = لا و (( ماتبي أحد يعاكسها)) مغلقة 48 زيارة

كانت البنت لين البست عباه مطرزه مزخرفه ملونه قلنا عنها صايعه ومو متربيه .. او ماوراها اهل ورجال ..
لان المألوف كان اللون الأسود والساتر للفتاه والي ابعد مايكون عن الفتنه
وجذب الانتباه ..

اليوم .. صار الشي عادي .. أو نقدر نقول تعودنا نشوفه يمكن لإنتشاره
بين اغلب الفتيات او يمكن لظهور ظواهر اخرى مثل .. العبايات
المخصره واللي من ظهورها وحتى الان والحديث عنها لاينتهي ..

عموما .. انا ماودي اتطرق واتكلم في امور قديمه
ياما تكلمنا عنها ..

لكن الظاهره الي انتشرت في الفتره الاخيره تتطلب منا التكلم
عنها ومناقشتها ..

وهي ظاهره البرمودا القصير تحت العباه ..
وياريت العباه مسكره ..

الا مفتوحه وتظهر السيقان وفرجه للكل ..

يعني ودي اعرف شنو هدف الفتاه لما تلبس برمودا والسيقان طالعه

وتتمشى في المجمع وبكل ثقه ؟؟ 😛

واللي يرفع الضغط لو طالعتها بنظرة استغراب قامت تطالعك
بنظرة احتقار وكأنك غلطت عليها بالنظره

ونست ان اهي صاحبت هالتصرف واهي اللي حطت روحها
في هالموقف ..

والمشكله بعد لين تعرض لها احد الشباب قامت تسبه أنت قليل ادب
ومو متربي وووو …. الخ ..

طيب اذا اهو قليل ادب انتي شنو تطلعين؟؟

انتي مااحترمتي نفسك والاحشمتي الموجودين بالمكان
ليش تتوقعين من الشباب يحترمونك لا يسوون لك حساب ؟؟؟؟

والشي الثاني اللي استغرب منه .. ان شلون هالبنات يطلعون
من بيوتهم بهالشكل ؟؟

الاهل وينهم ؟؟ مايشوفون بناتهم ؟ مايشوفون شنو لابسين ؟؟

اوكي خل الاهل على جنب ؟؟ البنات شلون يرضون على نفسهم تكون رخيصة

لهذا الحد ؟؟
طبعا لا نبري الشباب كمان هم المفروض انه يغضزن البصر
لانه اكثر الشباب يتتبع عورات الناس ولاهو داري عن بيته
واخته

نسوا العادات والتقاليد ؟
نسوا انه عيب ؟؟ وين الوازع الديني ؟ وين الخوف من الله ؟

كل هالأشياء صارت عاديه بالنسبه لهم ؟؟؟

والمصيبة تقووولك في نهاية النقااااش حرية شخصية
طيب حرية شخصية
بس
مووو بشئ ربي وربك امررك فيه وحررررمه…..

عموما اتوقع طولت عليكم

ههههههه ……… تحملووني ..
بس بغيت نتناقش
في هالموضوع واعرف رايكم فيه ..

وياريت اتجاوبوني على هالاسئله ..

وكله في النهايه لتعم الفائده على الجميع ..

وما نقول الا

الله يستر عليناوعلى بناتنا وبناتكم ويحميهم من كل فتنه وشر ويهديهم
آميـــــــــــــــــــــــــــــــــــــــــــــــ ـــــن

واتمنى انقاش الجاد من الجميع واتقبل الملاحظات على الموضوع بروح عاليه

منقووول لعنوونكم باضافااتي..

عالم البنات النسائي كل ما يخص المرأة العربية من ازياء وجمال والحياة الزوجية والمطبخ

نقاب + كحل + بنطلون + عباية مخصرررة = لا و (( ماتبي أحد يعاكسها))

مقالات مشابهة

عن abdou4f

شاهد أيضاً

انواع الاحراجات!!!! لا يفوتكم هع هع ….

نقاب + كحل + بنطلون + عباية مخصرررة = لا و (( ماتبي أحد يعاكسها))

مقالات مشابهة

وحش المدرسه ( عاصي )

رســـــالة مهممة وربي مهمممممة لكَ أنتِ..ادخلي وماراح تندمين إن شاء الله

إمام مسجد يسمع صوت إبنه وهو ساجد ((سبحان الله العظيم‏

عن abdou4f

شاهد أيضاً

انواع الاحراجات!!!! لا يفوتكم هع هع ….