نفسي اصير سنعه!

مشكلتي ياخوات تتلخص في اني ماطبخ واتفنن زي بقية حريم خلق الله 😀
انا انسانه ناجحه في حياتي وعملي واعمل بوظيفه مرموقه وكل ابو شي بس عقدتي السناعه والطبخ ➡
تخيلوا متزوجه من 3 سنين وعندي ولد ماعمري عزمت ناس وذوقتهم طبخي وحلاي المخيس
اهل زوجي ماعمري سويتلهم حلا والا غيره كله من برا والمشكله هم فنانين مطبخ
ماعمري عزمت ناس بالبيت لاني ماعرف اسوي حلا سريع للقهوه واخاف يقولون عشا واتوهق لان كل محد جاني طلبتله من مطعم
حتى اصحاب زوجي ماعمره عزمهم
ولما يجي من عزومه يقعد يحكلي وفيني الصيحه عما شاهد ورأى من اصناف الاكل << علمي نفسك يالرفله
المشكله اني محط غيره من كل نساء العيله لصفاتي السابقه اللي ذكرتها مو الرفاله وقل السنع لا اللي قبل بالمقدمه ❗ ونفسهم يكونون مكاني بس مادروا اني اشعر بنقص شديد جدا
ادري ان اول رد اذا عبرتوني بيقول سهل جيبي كتب وتعلمي وادخلي نت بقول لصاحبة الرد استريحي مكانك بجاوبك الحين 😆
شريت كتب الدنيا والكمبيوتر مليان طبخات حافظتها عندي واللي يفتح لاب توبي يقول الشيف رمزي
بس ياتفشل الطبخه ويطيح فيسي فاكره الدنيا واهون
يا ماالقى كل المكونات واستغني عن شي وتفشل ويطيح فيسي مرتن اخرى
يا مالقى كل المكونات واقول خلاص موب لازم << ياعجازه
الصراحه انقهر واغار واصير عجيز حسوده هههههههههههههه اذا شفت فنانه بالطبخ اللي تطبخ زين منكم من الحين تف تف عليها :)عشان ماحسدها
احس لو صرت فنانه طبخ اصير كامله والكامل الله
قولولي وش اسوي ؟ ➡ اشعر بنقص شديد << خلاص كم مره قلتيها وجع