نفسيتي تدمرت بسبب المجهول

اود ان اطرح لكم مشكلتي الصحيه واتمنى ان احصل على بعض الاحتمال لحين موعدي لاشعة الرنين المغناطيسي..
بداية مشكلتي كنت جالسه فحسيت اصابع يدي اليسرى تفقد الاحساس بالكامل يتبعها اليد ونصف الراس ولساني وكل هذا لنصف دقيقه او دقيقه فقط.. بعدها بيومين صابني شد عضلي قوي اسفل ظهري.. وكلها يوم وصرت بخير.. بعدها باسبوع او عشرة ايام صابني شد عضلي اقوى من الي فات باسفل ظهري كان شديد ما كنت اقدر حت ارفع ظهري وظليت كذا لمدة يومين بعدها ومع الشد صابني نصف جسمي الايسر كاني بفقد الاحساس فيه كان قلبي يخفق بقوه من الخوف يمكن.. و ظلت هالحاله تنتابني تقريبا اسبوعيا مره او مرتين لمدة شهر كامل وطبعا الشد خف اشووي وصرت اقدر اوقف بشكل طبيعي بس للحين اعاني من الشد بظهري ورقبتي… حاليا الفترات الي ينتابني هذا الشي صارت ابعد بس اثقل.. صرت احس بخدران يدي اليسرى و بعض الاحيان الارجل .. وبعض الاحيان وهذا الشي الي يتعبني ان راسي يصير ثقيل مررره او بمعنى ثاني يكون شعوري براسي زي شعوركم لما تاخذون ابره بنج للاسنان ويبتدي ياخذ مفعوله.. يعني راسي يصير كانه يفقد الاحساس او ثقيل بمعنى ثاني.. كانني بموت او بدخل غيبوبه
ملاحظه : اخذت تحليل دم شامل طلعت نتايجي بخير ولله الحمد واخذت اشعة عاديه لظهري و رقبتي طلعت بخير عدا الفقرات الي اسفر ظهري كانت ثنتين متقاربه وقال الدكتور هذا الامر خلقي وفعلا هذا عرفت عنه قبل 7 سنوات.. اخذت تخطيط عصب ومخ طلعت بخير .. باقي فقط اشعة الرنين المغناطيسي باقيع موعدي عشرة ايام تقريبا وانا افكار تاخذني وافكار تجيبني

الي ابي اعرفه ان الدكاتره اكثرهم يقولون اعراضكم مشكلتها العصب بس وش المشكله نشخصها بالرنين .. في احد يعرف هذي اعراض شنو؟؟ احد لا سمح الله يعرف ناس تعرضو لهذا الشي؟؟؟