عالم البنات النسائي كل ما يخص المرأة العربية من ازياء وجمال والحياة الزوجية والمطبخ
أبتدئ الكلام بقول الله تعالى “كنتم خير أمة أخرجت للنــاس”
فالله سبحــانه وتعالى قد أكــرمنا بديننا الإسلامي ودعانا الى العمل والإصلاح
وامرنا بالعدل والأمــانة وحسن الخلق ونهانا عن الربــا والرشوة والسرقة والغش
فالشريعة السمحة وضعت القواعد والقوانين لكل شيء في حياتنا..
لكن نحن المسلمون من فرطنا بـــها وتقاعسنـــا وغيرنا
إستفاد من تجاربه وصحح أخطائه وسعى الى إيجاد الحلول
فاصبحت لهــم حضارة..
نرجع للعامي وللموضوع
نظرة الى مالدينا ولدى الغــرب ..
شركات الأجهــزة عند الغرب ممكن تلاقي عروض خذ الجهاز وإستخدمه
وإذا ماعجبك أوأحسست أنه غير مجدي وأدائه سيء ..ترجعه لهم ..
وفعلاً إذا رجعته يسألوك وش عيوبه اللي شفتها تسردها لهم ويرجعوا لك فلوسك ..:)
شفت دعاية للبن أكتيفيا ;)إذا ماحسيتي بفرق يرجعوا لك فلوسك خطوة إيجابية
لكن نطمح للمزيد..
عندنا
عندما تشتري جهاز ويتضح أن به عطل يحاولوا الوكــلاء أو الموزعين التحايل والهروب منك..
وربي يعينك على التعــامل السيء والنظرة المتعالية وسوء الأخلاق..
تشتري سخان يطلع لك مويه بــارده
تشتري غساله تلقها بـالعه راديــو
تشتري تلفزيون تلقاه معــيون
ومن أعذارهم تحتار:
مــاعليهـــا ضــــمـــان
أو ســوء استـــعــمــــال
أو في الأخــيرنصيبك يـــــاعــم..
ومالك الا تغتم وتقول : 
“عليه العوض ومنو العوض”
.
.
.
عندنا
في منتدى الفراشة في آخــر كل موضوع مكتوب الكلمات الدلالية
يعني المفروض كل الكلمات التي تنكتب فيها تكون مساعدة لنا عند البحث..
لما نجي نشوف كل وحده حاطه كلام وتأليف وشعــر كمان ويمكن كاتبه قصة حياتها.. 💡
.
.
عندهم
في القوقــل عندهم برنامج إسمه Google Earth وهو برنامج تقدري تتطلعي على كل الكره الأرضية ..وتحددي بلدتك وموقعك..
حاطين ميزة القوقل لما تدخلي ممكن وتلقي ديرتك او قريتك تضيفي إسمها وممكن تحطي حتى إسم مسجدك ..
عشان لما أي أحد يبحث علطول يجي يدق باب بيتكم.. 😡
لكن لو شاركناهم بما نحن عليه كيف بيكون شكل القوقل؟؟
العاشق يكتب على بيت حبيبته مريومه قلبي مشتاق لك
والطالب يكتب على بيت الأستاذ من تحسب نفسك
والحرمة تكتب على بيت ضرتها مالت عليك هههههههه
وهلم جرا..
.
.
.
عندهــم
في الغرب عندهم ينظموا رحلات للأطفال يروحوا فيــها البيت الأبيض
يتعرفوا على ورؤسائهم ويتعرفوا على حكومتهم بكل هدوء ورويه..
ولا أستغرب لو أوباما دخلهم غرفة نومه..
ممكن الشعب من أصغر مكنس في الدولة
لأكبر وزير في الحكومة 
يتواصل مع الرئيس عبر الأيميــل:P
.
ينتقد ويوضح وجهة نظره أو يسأل أو يستفسر أو ممكن يضيف إقتراح
الرئيس أوباما يقــول: إنه بنفسه يقرأ الإيميلات ويــرد عليها..
بالله عنده وقت يقرأ
طيب من ماسك الحكومة الي ذلت وأرعبت كل دول العالــم؟؟!!
حتى عنده وقت يقتل الذبابــة..
.
.
كلمه للي عندنا
يــا رؤسائنا ممكن نتواصل معكــم ؟؟
ممكن نمشي قــرب قــصوركــم ؟؟
.
.
يارئيسي أنا واثـــــقه إن مـــاعندك وقت عشــان تفتح لك ايميل في الياهو
وانا واثقة حتى لو فتحت لك حساب وأرسلت لك الباسورد
بتقول لي نيست اشيك على الأيميل..
لأن مشاغلك أكثر من أوبــامــا.. 😡
ويمكن تقول إسرائيل هكرت علي وأخترقت جهازي.. 😎
لكن عبرونــا حطوا لنا صندوق بريد وللى تلفون وللى فــاكس
أو حتى شوفوا هــمــوم المواطــن وشكــــاويــه 💡
شوفوا الفساد اللي حواليكم والأوضاع المتردية..
عيشوا الوضع اللي نعيشــه.. 😎
أعطـــونــا أمــل إننـــا نلقى خليفة مثل عمــر..
وياليت لما نرسل مايكون هنــاك دبابيس وســوء ظــن
لقلبك 😈 ويفيدني ويفيد شعبك..
.
.
وأتمنى بعد ما أرسل لك يارئيس ماترسل لي الجيش ..
وارجــع أكتب في الفـــراشــــة 😆 idea:وأعيــش..
.
.
لن ترتقي الأمــة الا بتصحيح اخطائهــا وتطبيق دينها
الذي هو عزها ومصدر حضارتها
.
.
أطيب التحايا لكل من قرأت موضوعي بعقـل رزين
وشاركتنــا بأخوه صادقة..
.
.
.
.
مشــاركة في حملة الأخت توفي
