نظرة زوجي بعد ما نزلت الدوره!!!!

هلا بنات
الله يرزقنا بالحمل عاجلا غير اجلا
حبيباتي انا حطيت موضوع ع اساس تأخر الدوره
أتأخرت علي اسبوع…وكنت حاطه امل كبيييييير اني اكون حامل..لان دورتي منتظمه كل 28 يوم
الحمدالله ع كل حال…بس اول ما نزلت الدوره شفت نظره زوجي..الله لا يوريكم هاي النظره..والله عيونه مليانه دموووع..وقال ماعليه ان شاء الله خير(((الله يحفظك لي يالغالي))
بس يا بنات تعبت والله تعبت..ابي زوجي يفرح بشوفة ظناه..((اللهم لا اعتراض)) الحمدالله الحمدالله
البارحه قلتله ع اساس انه هو ما في شي..اذا تزوج راح اييب بيبي..بس مو راضي..يقولي لو ربنا ما كتب لنا العيال شو انسوي..هذا قضاء وقدر ((ونعم بالله))
بس انا ابي يفرح..والله اذا سعادته ع حساب سعادتي ف مو مشكله .. والله اني ما اتحمل فراقه ..حتى لو كان في الدوام..فما بالكم اذا تزوج وكان لغيري..ادري انها صعبه..وبعد صعبه يعيش بدون عيال
كيف اخليه يرضى؟؟؟؟ساعدوني
ع فكره يوم فتحت سالفة الزواج تعرفون شو قالي قال((اذا انا كنت مكانج بتودريني وتزوجين)) قلت له اكييييييييييييييييييد لا ..فقالي كيف اودرج…

بالله عليكم ادعووووووووووووولي بالذريه الصالحه عاجلا غير اجلا