عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم فراشات ان شاء الله تمام
انا من المتقدمات للمرحله السابعه لبعثه خادم الحرمين الشريفين ويوم التدقيق 30/9 والله ييسر اللي فيه الخير مررررره متوتره لان هذه السنه اخر سنه تنطبق علي الشرووووط 😡 …
شفت بنات كثيييييييير طفشانين وخايفين من قصه الغربه والبعد عن الاهل و و و و 😆 🙂
وابغى اقلكم شي : اذا جتكم على خير روحو وانبسطو والله انها فرصه ماتتكرر 
… انا الحين لي 5 سنين قاعده بالبيت لا وظيفه ولا شي وكل مافتح الديوان اقدم على طول لكن ماطلعلي شي 
….
احس الدراسه في الخارج متعه مرررررررره
ويابنات تسافرون بلد جديده وتتعرفين على ناس جديده تغيرين جوووووووو :)….
طبعا كثير بيستغربون ليه الافضل يروح الواحد عند احد يعرفه بدل مايقعد لوحده انا بالعكس ما ابغى اروح بلد فيه احد اعرفه ابغى اعتمد انا وزوجي على نفسنا بكل شي نتعلم بنفسنا ونجرب الحياه ➡
زوجه اخوي راحت فرنسا مع اخوي هو كان يكمل وهي بالبيت مرافقه بس تقلي رحت سويت نفسي مرررره بتكسر على اهلي وبس حزينه وابكي واتذكرهم و و و 😛 تقول ما ريحت نفسي ولا انبسطت لوقت باقي سنه وحده على اخوي تقول صرت الوووم نفسي قلت ليه سويت بروحي كذا ليه ما انبسطت ورحت وجيت وتمشيت تقول اخر سنه مرحت اماكن كثيره وانبسطتتتتت مره وتقول الحين والله اني ندمانه على الحركات اللي كنت اسويها قعدت 5 سنوات في فرنسا ولا هنيت نفسي بس حزن وبكا والحين مره ندمانه لانها ضيعت 5 سنين ما انبسطت فيها
عشان كذا سافرو وانتم مرتاحين اهلكم باذن الله مكانهم وين بيروحون كلموهم صوت وصوره وطالع الايفون والايباد احلى برامج صوت وصورة تانجو وغيره 😉جربي الحياه الجديده وبلد جديده ثقافه جديده خلونا نخرج من الروتين القااااااااتل اللي احنا فيه ➡
اكل …. نوووم …. حوسه بالبيت …. زيارات عائليه …… اسواااق ملينا منها… فقط !!!!!!!:)
عيشو حياتكم انطلقووووووووووو في حياه جديده الفرص ماتتكرر تجي مره بالعمر وبكرا تقعدي تتذكري هالايام انك عشتي مغامره وحياه جديده 
الله يوفقنا جميعا ويكتبلنا اللي فيه الخيييييييييييييييييييييير
…. احبــــــكـــــم
