نصيحة للي بيولدون بالحبيب

سلام عليكم يافراشات مكرشات,كيف حالكم ؟الله يهون عليكن ولادتكن ويحسن خلق اولادكم,ويعينكم على تربيتهم,حبيباتي انا ولدت بالسلامة ولله الحمد,والان لي شهرين ونصف والدة,بس مشكلتي اني ولدت بالحبيب عند دكتورة مدري بيطرية, اسمها مصباح ,يابنات انا ولدت قبل 4ولادات طبيعية ماشاء الله بس مو في الجبيب في مستشفى حكوميوبس من قرادة حظي قلت هالمرة بولد بالحبيب عشان آخذ ابرة الظهر ويريحوني من الالم,بس ياليت مارحت لان ولدت قيصري ,مع ان كل شي طبيعي والرحم فاتح5بس الطلق خفيف,وانا اقول للدكتورة حطي لي طلق لان كل ولاداتي بالحكومي لازم طلق,لان اصلا مايجيلي طلق,بعدين قالت لا مايحتاج واقولها عطيني ابرة الظهر وتقول لا مايحتاج,بعدين فكت كيس الماء,وضعف نبض البيبي,وصارت تدخل يدها عشان تكشف وتحرك يدها بقوة داخل الرحم وانا اتألم وتقول شوفي المشيمة مقطوعة,حسبي الله ونعم الوكيل اذا كانت هي اللي قطعتها,بعدين قالت يالله غرفة العمليات,وقعدت ابكي واقول بسرعة بس لايموت البيبي,بعدين ودوني غرفة العمليات,وكان فيه دكتور تخدير فاشل,قال تبغين بنج نصفي او كامل ,قلت نصفي,وقعد يحاول يدخل الابرة بظهري ست او سبع مرات وانا اتألم,وبالاخير دخلها ,والحمد لله ولدت وجبت ولد,اما العناية ممتازة ,بس وش الفايدة بعد ماشقوا بطني,والله يمكن محاولة الدكتورة معي كلها ثلث ساعة بس,الله لايسامحها اذا كانت متعمدة العملية ,حبيت انصحكن خواتي مافيه زي الحكومي,والان ماأبي منكم الا الدعاء لي ولأمي المريضة بالشفاء العاجل.