نصايح للعرايس من عروس سابقه

هذا الموضوع كتبته ومفتوح لكل عروس مغبره مثلي ههههههههه..نفيد فيه عرايسنا الحلوات..وننصحهم من كل النواحي ..والعرايس يسئلو وان شاء الله احنا نجاااوبهم..

اول شي انا بقولكم على الشغلات الحلوه الي االى الان اسويها..اول شي ياعرايس ياحلوات عطرك حق ليلة عمرك لازم يكون غيييير وانصحك بعطر للمسا قوي وعندك بالسوق ياكثرهم..وعطرك للنهار خفيف وانا استخدمت من بدي شوب مجموعه لايف از فضيييييييييييييييييعه ريحتها..وبعد مايخلص عطرك حق شهر العسل لاتفكرييييييييين نهائي تعيدينه السوق مليان غيره واكيد انتي شااريه عطورات كثير..بتقولين ليش ماعيده..اقولكم ليه لانه ياحلوه هالعطر مرتبط بايام زواجكم الاولى وشهر العسل والغرام والحب لما يمر سنه على زواجكم استخدمي العطر نفسه بذيك الليله الي تحتفلون فيها وشوفي ردت فعل زوجك بيصير كذا ❗ <_مجربه ههههههههههه

والله بيحن حييل لذيك الايام والله تجنن زوجي بس يبيني اتعطر منه لان الريحه ربطته بايام شهر العسل..
شغله ثاانيه..قميصك حق اول ليله برضو خليه موجود لانك بتحتاجينه..تصدقون انا اول ايام زواجنا كنت استخدم صابونه دوف الخضراء ولما خلصت شريت نوعيه ثانيه وتركتها والحين بعد سنه وشوي مدري شعنده زوجي شراها كل ماتروش وطلع من الحمام يصير رومنسي بزياااده اثاريه تذكره في ريحتي ايام العسل ههههههههههه..
الخلاصه كل شي حق اول ليله وشهر العسل احتفضي فيه لانك بئذن الله بعد مايتمم ربي عليكم ويوفقكم لما تحتفلونه بمرور سنه بتحتاجينه لان له طعم خااص..

ثاني شغله في طريقة عطر بعد السبوح تستخدمينه ريحته ثاابته وفضيعه علمتني اياها صديقتي متزوجه قبلي من كثر ماهي حلوه واعجبت زوجي صار يناشبني بحقتي وسويته له ههههههههههههه
الطريقه هي تجيبين زيت جنسون للاطفال الزيت مو الجل واختاري اي نوع انا اخترت الي غطاه برتقالي حلوه ريحته..تجيبيني زيت عطري من زهور الريف الي بثلاثين رياال اي ريحه تحبينها انا جربت ثلاث عطورات والحين مسويه بكمليا خياااال..تخلطينها مع الزيت بعد ماتنقصي من الزيت شوي عشان تحطي العطر كله..وبعد كل حمام رجي العلبه وادهني جسمك كله وهو مبلول وبعدها البخور والدلع وشوفي ريحتك كيف الحين لي سنه وكم شهر وماتركتها لانها خياال طبعا الحين من غير بخور..

الشغله الثانيه الي حبيت انصحكم فيها طبعا ماله شغل بالجهاز وغيره ..هي سالفة الحمل..كثيييييييير عراايس قالو بناكل حبوب منع حمل اول الزواج الي تقول ابي استانس والي تقول ابي اشوفه يمكن مانرتاح لبعض وكل وحده لها عذر وانا وحده منهم..واعرف غيري كثير..نصيحه لاتفكرو بهالشي اطلاقا لانكم اول ماتتزوجون تتموتون عشان تحملو..بعضهم تئثر فيهم الحبوب وتسبب بلاوي وضعف.وبعضهم يكون زوجها فيه شي يمنع الحمل والغيب مايعلمه الا الله..انا وحده منهم الحين لي سنه وكم شهر ماحملت الحمدلله ع كل حال..وغيري طلع فيها ضعف ووووالخ. يعني انتي ماتعلمين الغيب ..يمكن انتي فيك شي من غير ماتكلين ماتحملين فنصيحه لوجه الله من الحين تشيلي الفكره من راسك.

الشغله الثانيه علاقتك بربك..يعني مو اذا تزوجتي انشغلتي بزوجك وحاجاته وطلاباته ونسيتي ربك وصارت صلاتك اي كلام وتبعدين شوي شوي..انا اتكلم عن تجربه,
انا لما كنت عند اهلي احمد ربي صلاتي من احسن مايكون وادعي كثيييييير واستغفر واذكر ربي..وبعد ماتزوجت الحمدلله محافظه على صلاتي بس مونفس اول والدعاا قليل وع السريع ادعي بس ابي الحق طلعااتي واشوف زوجي وطلباته..حسيت وضعي بدا يصير مش ولابد وكرهت حياتي شوي وتجيني ضيقه لما راجعت نفسي اكتشفت اني ابعدت عن ربي حيييييييييييييل والحمدلله رجعت له وبئذن الله اني احسن من اول ..وعسى ربي يثبتني..

وانتبهي تطيعين المخلوق وتعصين الخالق لان بيده رزقك وحياتك كلها ابدي اول ليله بعمرك وانتي مرضيتي..مو عشانك عروس تاخري الصلاة عشان المكياج توضي قبل..وانتبهي من الوصل والنمص والوشم وغيره..لاتبدين بمعصيته وتغضبينه عليك..

واخيرن وليس اخرن تصدقي ولو بالقليل لدفع البلاء عنك وليعطيك البركه بمهرك وحياتك..

عروساتي الغاليات اتمنى اني افدتكم ولو بالقليل وكل ماتذكرت شي بجي هنا واضيفه وبحاول اشوف كم عروسه..من قروبي تجي تعطيكم من نصايحه والي تبي تستفسر عن شي تتفضل وان شاء الله تلقى اجابتها عندنا..

ولاتنسوني من دعواتكم بالذريه الطيبه الصالحه..