عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يا
أحلى فراشات ………………………
وش أخبار الكروشات …الله يهون عليكم
ويتمم لكم على خير …
طبعاً انا نزلت موضوعين بخصوص الحمل
في الأشهر الأولى والوسطى …….
اليوم موضوعي عن الشهور الأخيره …للحمل …
طبعاً الفتره الاخيره من الحمل تبدأ من الأسبوع 28
وجنينك طلع كبير اللحين ما شاء الله ..طوله بحوالي
37سم ووزنه حوالي كيلو .. وشي طبيعي بيزيد وزنه وطوله
لحد موعد الولاده …
وحركته صارت قويه …بالسابع لكنها بتخف تدريجي بالثامن
والتاسع لأن رحمك بيضيق عليه
وما راح يقدر ياخذ راحته
يعني لا تخافين وتقولين ليش صارت حركته أخف من قبل ؟؟
وغالباً الأجنه تتعدل وضيعتها وتلف رأسها لتحت في الاسبوع 28
لكن لكل قاعده شواذ لأن بعضهم ما يعدل وضعيته
الا قبل الولاده بساعات …
طبعاً المشاكل اللي تواجهينها في الشهور الأخيره للحمل:
وهالمشاكل ثانويه وراح تزول ما بعد تولدين بالسلامه …
** ألم الظهر …..ألم طبيعي ولا تخافين لأنه الرحم يتمدد
ويضغط على فقرات العامود الفقري لظهرك ..
** عسر الهضم أو الحموضه ..مشكله بسيطه لأن الجنين كبر
وياخذ مساحه اكبر داخلك ويضايق عضلات المعده
وتسبب لك الحرقه والحموضه …لا تاكلين مقليات او شياء ثقيله
وقولي لدكتورتك تعطيك علاج للحموضه
** تحسين بالارهاق والتعب وتحسين انك تلهثين من أي حركه
بسيطه …عادي جداً بسبب الثقل والاجهاد
عليك بالراحه وكثري نوووم …
** تحسين بثقل في صدرك …هذا نتيجه ان جسمك بدأ يستعد
للولاده وللحليب ..
** تحسين بألم في أسفل القفص الصدري ..لا تخافين لأن جنينك
كبر وارتفع رحمك وصار يضايق القفص الصدري..
** تتورم رجلينك من الوقفه ..شي عادي نتيجه ثقل جسمك
حاولي انك ترتاحين ولا توقفين كثير واذا جلستي مديهم على
مخده او كرسي ثاني..
** تحسين بصعوبه بالتنفس عادي ..لأن الرحم تمدد للقفص
الصدري..
** واذا كان هذا حملك الأول ..في الاسبوع 36 ينزل جنينك
برأسه الى الحوض أما ان كنتي حامل قبل فيكون هالنزول قبل
الولاده مباشره ..
***
الدكتوره راح تعطيك …كالسيوم وحديد
وضروي تداومين عليهم حتى بعد الولاده فتره النفاس
ومع ذلك تركزين على الغذاء المتزوان والصحي لوقت ولادتك
وفتره نفاسك ..
..
..
..
..
..
..
(( في الأسابيع 28 والـ30 )) حاولي تخلصين أمورك وترتبين
أغراضك ووتتجهزين للبيبي المنتظر …
مثل :
السرير وملابس البيبي وأغراض السباحه وكل شي
بس نصيحه لا تكثرين من المقاسات الصغيره يعني من 0 – 3
أو في بعض المحلات نيو بيبي …كبري شوي
لأن الطفل يكبر في هالفتره بسرعه يعني أخر نفاسك
بيكون شكل ثاني ..
السرير اشتري 2 اذا عندك امكانيه السرير على شكل سله
مثل هذا …طبعاً فتره النفاس وانتي عند أهلك ..
وكبير عادي …حطيه ببيتك
وأغراض السباحه …
المهم اللحين خلصتي أغراض طفلك ..كلها ..
نجي لأغراضك انتي ..:
تحتاجين شنطه وسط
بيجامتين أو قميصين اللي تحبين
بيجامه انيقه عشان الضيوف ..
*(( بقول نقطه يمكن تأيدونها أو تعارضونها ..بعض أو
أغلب الحريم يكشخون بجلابيات وخرابيط
عشان تطلع بمنظر كشخه !!! انتي تدورين راحتك والا
تدورين راحه ضيوفك ..اختاري المريح لك
انتي ولا عليك من الضيوف أساساَ هم عارفين انك تعبانه
ووالده وو الخ خلي الكشخات في البيت ))!!!
فوط صحيه ..المستشفى يأمنون لك بس اذا انتي تفضلين
نوعيه ثانيه..
كريم لبشرتك …معجون أسنان+ فرشاه أسنان+ مزيل
الرائحه+ مرطب شفايف لأن شفايفك بتنشف من
الصراخ أمززح+ منشفه كبيره عشان تاخذن حمام بعد
الولاده يروق أعصابك .
فرشاه شعر وربطه ..+عطر خفيف وبارد..
ستيان رضاعه عشان طفلك ورضاعته
شبشب خفيف ..
لبس لطفلك وحفاضات ومهاد ومفرش تلفينه فيه لما تطلعين
من المستشفى ..
صور للجنين في هذي الفتره …
هذا جنين بالاسبوع الــ30 للحمل
وهذي صوره لتطور نمو الجنين في أسابيع الحمل كلها…
الاسبوع الـ35 …
وهذي صوره للجنين في الأسبوع الـ40 والأسبوع
الأخير للحمل ….
وأنا أعرف ان هالشهور الثلاثه الاخيره طووووويله ووممله
ومتعبه وثقيله …
وتنتظرون الولاده ..بشوق ولهفه خصوصاً مشتاقين لأطفالكم
الله يتمم عليكم على خير ….وموضوعي الأخير …بيكون عن
الولاده ومراحل الولاده و ما بعد الولاده …
انتظروني …وابي مشاركات تبرد الخاطر……
تحياتي …………….Ro0oro
