نسيتوها ولا باقي تذكروها …!!! تراها في حاجتكم الدنيا صاكه فيها

اليوم الخميس
السلام عليكم ورحمة الله وبركاته
ماادري من وين ابتدي ولا ايش اقول
راحت الغاليه وتركت في حياتي فراغ كبير … اشتقت لها ولجلستها وحلاة كلامها وطيبة قلبها
آآآآآآآه يارهام
كنت استبشر خير لمن اشوفها بالمنتدى
والله العظيم انها حبتكم كثيير وماكان على لسانها الا بنات الفراشه… بس سافرت للهم والنكد … كنت اكلمها وهي تضحك معاي وتنكت لكن والله كان قلبها حزنان كثيير بس ماحبت تضايقني
……………
رهام في المشفى والرحم فاتح عندها 3 سم والطلق حامي عليها وهي الأن توها داخله الشهر الخامس اعطوها ابر وكأنها أفضل
المشيمه عندها اسفل الرحم ومستحيل تولد طبيعي الا بمشيئة الله
هي ماعملت ربط رحم لانه كل ماقرروا لها موعد عملية الربط يرتفع الضغط بشكل فجائي 3 مرات يحددوا لها الموعد ويلغوه
راحت عند شيوخ اول حملها وكلهم أكدوا أنها مسحوره من زمان بس ماقدروا يواصلوا الرقيه عشان حملها
ليتها عندي كان حطيتها جوت عيوني وداريت عليها
ابوها توفى في أخر رمضان وجدها توفى قبل العيد بيومين وامها تعبانه حييل ربي يختار لها الخيره الطيبه
ورهام صاكه فيها الدنيا لاعادت تكلم احد ولاعادت تخرج من بيتها والحزن مالي قلبها
دايماً تذكر الأخت همسة فرح والأخت قويه بربها … هما الوحيدات الي يواصلوها بالجوال وماعمرهم قطعوها من وقت عرفوها …. تعتذر منكم حيييل لانها مقصره معاكم بس تقول ماتقدر تكلمكم وتزيد مواجعكم ولاتبيكم تتنكدوا بسببها
كنت دايم ادق عليها ولا ترد علي حتى بالرسائل صارت قليله فيها وزعلت منها لحد مازوجي كلم زوجها وخبرنا بحالها
اتاري البنت في ضروف صعبه من موت ابوها لموت جدها لمرض امها والحين تعبها
انا حامل الحين الا كان تركت اشغالي وسافرت لها ووقفت معاها في محنتها ➡
لاتنسوها يابنات من دعواتكم وربي يرحم موتاها ويجبر بخاطرها