عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء الخير لكل الفراشات
حبيباتي انا حامل في الشهر الخامس اكتشفت الدكتوره من الشهر الرابع ان مشيمتي نازله ولازالت الى الان نازله كثير نصحني بالسجود والاطاله فيه وجالسه اكثر سجود واطول فيه مين صار معها كذا وارتفعت ببدايه السادس خصوصا انا باقي لي اربع ايام واتم خمس شهور على خير بس قلقانه من موضوع المشيمه..
غير كذا يابنات وش اسوي اذا تمت نازله وربي جالسه ادعي واستغفر قدر الامكان وعسى الله يفرج همي وهم كل مكروبه زوجي الله يهديه مصر على السفر وسفري بعد اسبوع يبي يقضي رمضان مع اهله ومو حاس باللي فيني غير اني بسافر بر والطريق 12 ساعه وربي اني في ضيق لا يعلمه الا الله وخصوصا هذا اول حمل لي من اربع سنوات يابنات طمنوني وادعولي عسى الله لايحررمكم الجنه ويرزقكم الصحه والمال والبنون ادعولي ترتفع مشيمتي ساعدوني ولو بدعوه عسى ربي يستجيب دعوة احداكن ….
سؤالي الثاني يابنات وش علاج الامساك بالحمل وش اكل عشان مايجيني امساك؟ اسفه ع الاطاله عزيزاتي ودعواتكم لي ….
الله يرزقها ويصلح لها زوجها وذريتها ويسخر لها الطيبين من عباده ويفرج همها ويجعل لها من كل ضيق مخرج لكل من تدعي لي ……. ❗ 😆
