عالم البنات النسائي كل ما يخص المرأة العربية من ازياء وجمال والحياة الزوجية والمطبخ
خواتي انا في الاسبوع التاسع من الحمل وقبل اسبوع نزل علي دم مثل دم الدورة ورحت المستشفى وبعد ماسويت تلفزيون عطتني الدكتوره حبوب دوفاستون 3 حبات في اليوم اخذ حبه كل ثمان ساعات ووصفت لي اسبرين حبه في اليوم وكلهم لمدة شهر وطبعا غير حبة الفوليك اسيد حبه في اليوم وسألتها عن حبة الاسبرين ليش اخذها فقالت لي انه احيانا يصير تجلط في المشيمه ومايوصل الدم للجنين ويسبب وفاة والاسبرين يمنع التجلط فتطمنت من كلامها واستخدمت الحبوب والدم قعد فيني يومين ووقف
واليوم يعني بعد اسبوع من سالفة الدم رحت موعدي بمستشفى ثاني وقلت للدكتور عن الادوية اللي استخدمها وقالي حبوب الاسبرين لا تاخذينها والمفروض ماتصرفها لج الطبيبة تسبب سيوله وانتي تعانين من نزول دم وراح يسبب بزيادة تدفق الدم للجنين وهذا مو زين !!!!
وقلت له بس انا استخدمتها اسبوع مايضرالجنين ؟؟ قالي ان شاء الله مايأثر بس وقفيها وحبوب الدوفاستون اخذيهم حبتين في اليوم بدال ثلاث حبات وطبعا بعد كلامه تخرعت وسويت تلفزيون وتطمنت على الجنين وقالوا لي كل شي اوكي وعرضت تقرير التلفزيون للدكتور وسألته عن حبوب الاسبرين مره ثانية وقالي بعد وقفيهم ولاتاخذينهم
واللحين ابي استفسر منكم حد خذت حبوب الاسبرين من قبل وليش يعطونها ووشو وظيفتها وهل لها اضرار و………الخ
ابي اسمع من الكل اي سالفة عن الموضوع
وجزاكم الله كل خير
عن captian tsubasa
شاهد أيضاً
اقوى علاج للعقم
بسم الله الرحمن الرحيم السلام عليكم ورحمة الله وبركاته إلى كل من شهد الليل دموعها …