عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم..
أولا أبي أشكر الأخت نعومه على إدراج الخلطه عشان الأخوات يستفيدون..
ثانيا: الله يفرج هم الأخت صديقتها وهموم جميع المسلمين..
ثالثا.. هذي نيجه تطبيقي للخلطه التي ذكرتها للتبييض!
أختي العزيزه : جربت خلطتك لأكثر من 3 أيام.. .. فركت وسويت الطريقه بالضبط .. والنتيجه شي رهيب صراحه..
وجهي (وهو دهني بالمناسبه) .. نشف بطريق صرت أخاف أبتسم بها لا يتشقق من الجفاف والشد وأصبح مبقع ببقع غامقه وفاتحه .. بالرغم أني أستعمل مرطبات واهتم ببشرتي لكن اللي حصل شي خلاني أحرم أخذ أي خلطه عمياني!
صدقيني وصلت لمرحله خليت على وجهي زيت ولا في فايده!!!! بالنهايه صديقتي نصحتني أن أخلي (زبدة سمسم (الهرده) على وجهي لأنها تستخدمه كون بشرتها جافه جدا.. وشوي شوي صار أفضل .. وقمت أقدر أحرك عضلات وجهي على الأقل!!!!!
ياريت لحد يفهمني غلط .. وماودي أقول ان الخلطه فاشله وأزعل الأخت لأني متأكده انها خلتها هنا بالمنتدى للفايده، بس حبيت أنقل تجربتي بكل أمانه وفعلا ما أتمنى ان أي وحده تشوف اللي شفته!
تحياتي والسموحه
أختكم فطامي
