مَآنَيّ معَآتبَگ بَسّ أبغَآگ تفَھمنيّ؟!

وتجاوب علي لعلى وعسى نحن ان شاء الله وبإذن نلقى حل..

مدري ليه مايخلون نحكم بيوم ونحل المشاكل ونرجع بيوتنا <<- – ايه خير ان شاء الله

جت فترة دخلت هالقسم افتح قلبك واقرا مشاكل الناس وأرد ببعضها في شيء عور قلبي ورفع ضغطي

وشيء أعتبره مرحلة في حياتي مريت فيها وجلست أدعي لهم … الله يصبرنـآآ ويرزقنــآآ جميع

المهم كثير لاحظت هنا وهناك ومنا ومناك وبجميع زوايآ المنتدى شابات عازبات مثقفات سواء كانوا موظفات أو غير موظفات… احم ترى قلت ( عازبات )

المهم ليه دايم يتواجد في مملكتنا العزيزهـ أنواع التحطيم ؟؟!! ليه البنت صعب عليها تحلم وتطمح وتعيش حياتها زي باقي الخلق؟!

ما أتوقع الدين يمنع هالشيء ؟!! ليه طيب العادات والتقاليد تعتبر عائق للبنت بس تمنعها من كل شيء !!

الحين زي ما أنتوا شايفين طلعوا كثير بنات اللي عالمه كيمياء واللي فيزياء واللي جولوجيا واللي طيارهـ واللي فارسه يرعى تدريبها سمو الأمير الوليد بن طلال:D

والعذر الوحيد بالنسبه لي مدري عنكم يا ان مجتمعنا مايساعد أو الادهى لا صارت بنت قبايل لاعيب بنت قبايل <– يعني المليون والوناسه بجيبي عشان هالشي؟!!

وش ييقولون عننا او اذا أحد خطبك يقولون فلانه كذا او تشتغل كذا !!!

ليه بنت القبايل مالها رب حاط لها احكام والا تمشي على قانون القبيليه ؟!! < — اعتبرهـ تخلف وسماجه

ليه الحين الشاب يتزوج طعش الف وحده ومحد يحسب له حساب لان الدين ولمن تجي تقول باخذ من برى مايجون يقولون دين

خلووونــآ نبي نحس اننا بشر عايشه قدروا الشيء اللي اسمه مشاعر واحاسيس فينا ليه الأخ بالسعوديه مايحس بأخته الا بالمشاكل ؟!

ودايم معترض عليها وكل شي غلط وعيب ولاتزوج مخلي المصونه تسرح وتمرح وجعلها العثره <<- محد منقهر

وليه لاجتك وحده متزوجه قالت ياليتني وكنت ولعلى وعسى زيك ومرتاحه ولمن تقولين لها اتركي زوجك

طيب عطونا رجالكم وانتوا تعالوا مكاننا <<– او انا عندي حل لايكثر طيب وخليكم ببيوتكم ودلعي زوجك ولاتسوين فيها لنا يعني اني !!

نحن ببلد خير وبلد البترول ماصار بترول حاسدينا عليه حسيت ببيتنا بير كل يوم اغرف منه ترى البترول ماهو لنا !! <- معلومه جديدهـ للي مايدري بس هع

بلد الحمدالله يارب على النعمه مدارس ببلاش في مستشفى حكومي ببلاش في هو لازم تنذلي بالحكومي حبتين بس شيء احسن من لا شيء