عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيف اخواتي الفراشات ان شاء الله حملكم كويس وربي يتمملكم هو على خير ويسهل ولاداتنا كلنا يارب قولو امين المهم انا حابة اعرف حاجة بخش المضوع يالله استعدو خخ …انا دايما اراجع عند الدكتورة سحر ملودي في مستشفى فقيه اكيد سمعتو عنها ماعليها كلام بس لما يوم الاربعاء رحنا متاخرين يعني الساعة 2 الظهر قالولنا انها ماتقبل تامين ولازم ندفع 200 ريال للكشفية بس, ولو جينا بكرة بدري حتقبل التامين يعني المسالة مسالة تبكير وتاخير مافهمت الاسلوب الغريب حقتها وانا كنت ليا شهر ماشفت البيبي وكنت مشتاقة اشوفه مررة وخصوصا انه وقت اعرف بنت ولا ولد لاني دخلت الرابع ليا اسبوعين ما شاء الله فقلت لزوجي خلينا نروح للدكتورة تغريد البدري اخصائية مو استشارية زي الدكتورة سحر بس لانها كانت الوحيدة الموجودة واللي تقبل تامين ودخلنا على بركة الله الصراحة كنت متخوفة لاني اول مرة ادخل عندها بس الصراحة ارتحتلها راحة مو طبيعية مدري هو عشان مافي زحمة عندها زي سحر او هي طبعها كدا بس مرة انبسطت معاها لانها تسالني اسالة وطلبت تحاليل اللي سحر عمرها ماتطلبها الا في السادس فحسيت باهتمامها وقعدت معايا في السونار الين شفت البيبي وشبعت منه بس خسارة مابين نوعه لانه قالتلي الحبل السري مغطي على المكان فقلت يالله مو لازم اعرف اهم شي انه بخير حبيب قلبي بس خرجت من عندها وانا مررة مبسوطة وقلت لزوجي ابي اكمل معاها الين التاسع وبعدين ارجع لسحر عشان الولادة ابغاها عندها معليش طولت عليكم بس المطلوب منكم ابي اعرف اذا اي وحدة تراجع اوقد جربت الولادة عند الدكتورة تغريد البدري وكيف الولادة عندها والخياطة اهم شي كيف؟؟ واي وحدة تدخل ياليت ترفع الموضوع الله يرفع مقامها في الجنه ومشكورين مقدما 
