مين صار معاها هذا الشي قبل الــــــــــــــــدوره ؟؟شـــــاركوني بخبرتكم

يا بنات اريد احد يعرف شنو صايرلي
باقي 10 ايام على دورتي
وعندي صداع قوي مستمر بدون انقطاع مرات يصير خفيف بس من اصحى الصبح كلش قوي
وحالتي النفسيه زفت زفت زفت زفت
اتعارك ويا الهوا الطاير … واخر شي تعاركت مع زوجي بدون سبب وبكيت وسكرت الخط بوجهه والمسكين كان يشتغل وهوه كمان صار عصبي لان سكرت الخط وبدون مشكله صار عدنا مشكله
وما اعرف شنو اسوي
عندي الم خفيف بظهري من اجلس لفترات طويله عالكرسي او بالسياره
وعندي الم في الجهه اليمنى اسفل بطني واي اعراض للدوره ما عندي يعني مافي الم بصدري ولا ثقل ولا اي شي رغم هسه موعد اعراض الدوره مثل كل شهر
احس نفسي كارهه كل شي
لا احب اطبخ ولا انظف ولا احكي مع احد ولا اشوف احد
بس احس نفسي مخنوقه واريد ابكي بدون سبب واحس نفسي مششته يعني دقايق تمر عليا فرحانه وودي اضحك وبنفس الوقت اريد ابكي والله حيره !! ❗
اعرف طولت عليكم بس ميخالف اختكم وجايه تفرغ همها يمكم يعني حبيت شويه افضفض
ما اعرف ليش صايره ستريس ونيرفس
وزوجي ما يكلمني وزعلان مني وحالتي صايره حاله قلت احجي وياكم احسن